नंदुरबार : देशातले पहिले आधार कार्ड प्राप्त करणारी टेंभली गावातील महिला रंजना सोनवणे राज्य सरकारकडून मिळणाऱ्या (Diwali) दिवाळी किट पासून वंचित राहिल्‍या. यामुळे (NCP) राष्ट्रवादी युवक काँग्रेसकडून त्‍यांना एक महिन्याचा शिधा देण्यात आला. (Tajya Batmya)

देशातले पहिले (Adhar Card) आधार कार्ड प्राप्त करणारी (Nandurbar) नंदुरबार जिल्ह्यामधील (Shahada) शहादा तालुक्यातील टेंभली गावातील महिला रंजना सोनवणे यांना दिवाळी सणात राज्य सरकार मार्फत मिळणारी आनंदाची शिधा देखील प्राप्त झाला नाही. यामुळे त्यांची संपूर्ण दिवाळी ही अंधारात गेली. असे म्हटले जाते की दिवाळी सर्वत्र उजेड निर्माण होतो. परंतु टेंभली गावातल्या देशातल्या प्रथम आधार कार्ड प्राप्त करणाऱ्या महिला रंजना सोनवणे यांची दिवाळी मात्र काळोखातच गेली.

घरी जावून दिला महिन्‍याचा किराणा

रंजना सोनवणे यांची व्यथा समजल्यावर राष्ट्रवादी युवक काँग्रेस पक्षाचे प्रदेश कार्याध्यक्ष पुरुषोत्तम कडलग यांनी लागलीच त्यांच्या घरी पोहचून त्यांची संपूर्ण व्यथा जाणून घेतली. यानंतर आज त्यांना एका महिन्याचा संपूर्ण किराणा देण्यात आला. या शिंदे– फडणवीस सरकारचे हे अपयश असून त्यांनी राज्यातल्या गोरगरीब जनतेकडे लक्ष देण्याची गरज असल्याचे देखील राष्ट्रवादी युवक काँग्रेसचे प्रदेश कार्याध्यक्ष पुरुषोत्तम कडलग यांनी यावेळी सांगितले.