सागर निकवाडे 

नंदुरबार : नंदुरबार जिल्ह्यातील धडगाव तालुक्यात असलेल्या खुटवडा गावातील शिवारातून पोलिसांनी तब्बल १३ लाखांचा गांजा जप्त केलेला आहे. पोलिसांना मिळालेल्या माहितीच्या आधारे शेतात धाड टाकत पोलिसांनी हा गांजा जप्त केला आहे

नंदुरबार जिल्ह्यातील धडगाव तालुक्यात शेतात लागवड केलेल्या मोठ्या प्रमाणात गांजाची शेती आढळून येत आहे. या भागातील तरुणांना मोठ्या प्रमाणात गांजा व्यसन लागले आहे. सातत्याने कारवाई होत असताना देखील या भागात गांजा कसा उगवला जातो? याबाबत प्रश्नचिन्ह निर्माण होत आहे. वरिष्ठांना कारवाई दाखवण्यासाठी ठराविक ठिकाणी धाड टाकली जाते. यामुळे पोलिसांच्या कामगिरीवर आता प्रश्नचिन्ह उपस्थित राहू लागले आहे. त्यानुसारच पुन्हा एकदा १३ लाखांचा गांजा आढळून आला आहे. 

शेत मालक ताब्यात 

नंदुरबार जिल्ह्यातील धडगाव तालुक्यात १३ लाखांचा गांजा जप्त करण्यात आला आहे. धडगाव तालुक्यातील खुटवडा गावातील शेत शिवरात तब्ब्ल १ क्विंटल गांजा आढळून आला आहे. पोलिसांनी हा संपूर्ण माल जप्त केला असून संशयित शेत मालकाला पोलिसांनी ताब्यात घेतले आहे.