नंदुरबार : नंदुरबार शहरातील गेल्या काही वर्षांचा इतिहास पाहता सण उत्सवाच्या काळात जातीय तेढ निर्माण होऊन दंगल सदृश्य परिस्थितीचा सामना नागरिक व प्रशासनाला करावा लागला आहे.

हे देखील पहा -

बकरी ईद व येणारा गणेशोत्सव सण साजरा करण्यासाठी शासनाने वेळोवेळी दिलेल्या निर्देशांचे नागरिकांनी पालन करावे; तसेच सण उत्सव शांततेत साजरा करावे. या उद्देशाने शहरातील सर्वधर्मीय समुदायाला पोलिस प्रशासनाच्या वतीने शांतता कमिटीची बैठक बोलावून मार्गदर्शन करण्यात आले. यावेळी जिल्ह्याचे अप्पर पोलीस अधीक्षक विजय पवार यांनी सण-उत्सव शांततेत व शासनाच्या नियमांचे पालन करून साजरे करावे असे आव्हान नागरिकांना केले.

उपस्थित शांतता कमिटीच्या सदस्यांनी देखील यावेळी विविध विषयांवर प्रश्न उपस्थित केले. तसेच एखादी घटना घडल्यास पोलिसांनी पूर्ण चौकशी करूनच गुन्हे दाखल करावे. घटनेची पूर्ण माहिती न घेताच गुन्हे दाखल केले जातात त्यामुळे आणखी तेढ निर्माण होऊन परिस्थिती बिघडते. त्यामुळे पोलिसांनी देखील सहकार्याची भूमिका घ्यावी असे आवाहन सदस्यांनी यावेळी केले आहे.

Edited By : Krushnarav Sathe