- सागर निकवाडे

Nandurbar Crime News : नंदूरबार शहरात एका कारच्या शोरूममध्ये दुर्दैवी घटना घडली. या घटनेत एका सफाई कामगारांचा मृत्यू झाला आहे. ही संपूर्ण घटना सीसीटीव्ही कॅमेरात कैद झाली आहे. याप्रकरणी एकाविरुध्द नंदुरबार शहर पोलिस ठाण्यात गुन्हा दाखल झाला आहे.(Maharashtra News)

पाेलिसांकडून मिळालेल्या माहितीनूसार नंदुरबार शहरातील कोकणीहील साईबाबा नगरात राहणारे जितेंद्र वसंत शिरसाठ (वय 42) हे एका कारच्या शाेरुमध्ये सफाई कामगार म्हणुन कामाला होते. नवीन गाड्यांची साफसफाई करण्याचे काम जितेंद्र शिरसाठ हे करीत हाेते. या शाेरुममध्ये विक्रीसाठी असलेली गाडी दिपक इंद्रसिंग राजपूत याने वेगात चालवून अन्य एका गाडीस धडक दिली.

दोन गाड्यांमध्ये जितेंद्र शिरसाठ हे दबले गेले. त्यात ते गंभीर जखमी झाले आणि नंतर त्यांचा मृत्यू झाला. या घटनेबाबतची माहिती सुभाष भगवान बच्छाव यांनी नंदुरबार शहर पोलिस ठाण्यात (Nandurbar City Police Station) दिली. त्यानुसार पाेलिसांनी दिपक इंद्रसिंग राजपूत (रा.लक्ष्मीनगर, नंदुरबार) याच्याविरुध्द गुन्हा दाखल केला.

Edited By : Siddharth Latkar