सागर निकवाडे, नंदूरबार

Nandurbar Political News :

महाविकास आघाडीचे उमेदवार काँग्रेस पक्षाचे अ‍ॅडवोकेट गोवाल पाडवी यांना आदिवासी बोलीभाषा बोलता येत नाही. त्यांच्या असली गावातील दहा लोकांची नावे विचारा ते देखील सांगता येणार नाही असा काँग्रेसने उमेदवार दिला आहे, अशा शब्दांत महामंत्री विजय चौधरी यांनी हल्लाबोल केलाय.

राज्यात लोकसभा निवडणुकांची रणधुमाळी सुरू आहे. महाविकास आघाडी तसेच महायुतीने काही जागांवरील आपले उमेदवार जाहिर केले आहेत. नंदूरबारमध्ये महायुतीकडू भाजपच्या हीना गावाीत यांना उमेदवारी जाहिर झालीये. तर महाविकास आघाडीकडून काँग्रेसचे गोवाल पाडवी हे रिंगणात उतरलेत. उमेदवारी जाहिर झाल्यानंतर विरोधकांकडून एकमेकांवर टिकेचे बाण सोडण्यास सुरुवात झाली आहे.

भाजप प्रदेश महामंत्री विजय चौधरी यांनी गोवाल पाडवी यांच्यावर हल्लाबोल केला आहे. काँग्रेस पक्षाला उमेदवार मिळत नव्हता, अशी अवस्था जिल्ह्यात झाली आहे. काँग्रेसचे नेते राहुल गांधी नंदुरबार जिल्ह्यात आले आणि नंदुरबार जिल्ह्यातील काँग्रेसचा बडा नेता पद्माकर वळवी भाजपात आले अशी बिकट परिस्थिती निर्माण झाली आहे.

नवापूर येथील अग्रवाल भवनात भाजपची बैठक पार पडली. या बैठकीनंतर माध्यमांशी बोलताना भाजपा प्रदेश महामंत्री विजय चौधरी यांनी नंदूरबार लोकसभा मतदारसंघातील काँग्रेस उमेदवारावर टीकास्त्र सोडलं.