नंदुरबार : नंदुरबार शहरातील करण चौफुलीजवळ भरधाव ट्रकने एका दुचाकीला जोरदार धडक दिली. (Nandurbar) यात दुचाकीस्वार युवकाचा जागीच मृत्यू झाला. (Accident) अपघात घडताच ट्रकचालक फरार झाला.  (Tajya Batmya)

विशाल हिरालाल चौधरी (वय ३१) असे अपघातात मृत तरुणाचे नाव आहे. नंदुरबार शहरातील शहादा (Shahada) बायपासला लागून असलेल्या गोकुळधाम सोसायटीतील रहिवासी असलेला विशाल हा दुपारी दोनच्या सुमारास करण चौफुलीकडे दुचाकीने जात होता. त्यावेळी समोरून भरधाव वेगाने आलेल्या ट्रकने त्यास धडक दिली. त्यामुळे विशाल हा रस्त्यावर फेकला गेला. यात त्याचा डोक्याला गंभीर दुखापत होऊन त्याचा जागीच मृत्यू (Death) झाला. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा) -

दरम्यान, दुपार वेळ असल्याने परिसरात शुकशुकाट होता. काही वेळाने तेथून जाणाऱ्या काही जणांना अपघात झाल्याचे लक्षात आले. त्यात एकाने युवकाला ओळखले. त्यांनी पोलिस व अपघातग्रस्ताच्या कुटुंबीयांना माहिती दिली. पोलिस, युवकाचे मित्र व कुटुंबीयांची घटनास्थळी गर्दी झाली होती. संबंधित युवक फोटोग्राफी व व्हिडिओ शूटिंगचा व्यवसाय करत होता.