नांदेड : जन्मदात्री आईनं पोटच्या मुलाचा पन्नास हजार रुपयांची खंडणी देऊन खुन केल्याची घटना नांदेड जिल्ह्यात घडली आहे. मुलगा व्यसनाच्या आहारी जाऊन मारहाण करत होता त्यामुळे आईनं टोकाचे पाऊल उचललं. या प्रकरणी पोलिसांनी आईसह (mother) तिघांना अटक (arrest) केली आहे. (Nanded Latest Crime News)

सुशिल श्रीमंगले असं खुन झालेल्याचे नाव आहे. शोभा श्रीमंगले, राजेश पाटील, विशाल भगत असे अटक केलेल्या संशयित आरोपींचे नाव असल्याची माहिती पाेलिसांनी दिली. नांदेडच्या गिता नगर भागात राहणाऱ्या सुशिल श्रीमंगले याचा मृतदेह मुदखेड तालुक्यातील बारड शिवारात सापडला होता. पोलिस तपासात सुशिलचा गळा आवळून खून झाल्याची बाब पुढे आली.

त्याच बरोबर सुशिलचा सुपारी खुन घडवून आणणारी दुसरी तिसरी व्यक्ती कोणी नसून जन्मदात्रीच निघाली दोन किरायदाराच्या मदतीने सुशिलचा काटा काढण्यात आला. सुशिल हा आई आणि वडील यांना दारु पिऊन मारहाण करत असे आणि घर विकून पैसे मागत होता.

या त्रासाला कंटाळून आईने किरायदार असलेल्या राजेश पाटील, विशाल भगत यांना पन्नास हजाराची सुपारी देऊन खुन घडवून आणला असं पाेलिस तपासात समाेर आले आहे. या प्रकरणात संशयितांनी खुनाची कबुली दिली असून बारड पोलिस ठाण्यात गुन्हा दाखल करण्यात आला आहे.

Edited By : Siddharth Latkar