- संजय सूर्यवंशी

Nanded News : आम्हांला दिलेला मतदानाचा अधिकार परत घ्या असे म्हणत बोटाला चुना लावत नांदेड शहरात युवा वर्गाने अनोखे आंदोलन केले. या आंदाेलनाची चर्चा शहरात जाेरदार सुरु झाली. (Maharashtra News)

राज्यात सुरु असलेल्या राजकीय नाट्यानंतर राज्यातील मतदार राजा मात्र कमालीचा वैतागला आहे. नांदेड (nanded) येथे मतदान असलेल्या युवकांनी अनोखं आंदोलन केले. सन 2019 नंतर झालेल्या निवडणुकीत आम्ही मतदान केले होते. परंतु आमच्या मताची थट्टा मांडलीय अशी भावना युवकांनी व्यक्त केली.

युवक म्हणाले राज्यात सातत्याने मुख्यमंत्री, उपमुख्यमंत्री (After Ajit Pawar Rebel) बदलले जात आहेत. हा महाराष्ट्राच्या जनतेच्या जनमताचा अपमान आहे. लोकशाहीचा खून करणारा हा प्रकार असल्याची प्रतिक्रिया युवकांनी दिली.

दरम्यान आम्हांला दिलेला मतदानाचा अधिकार परत घ्या अशी मागणी युवकांनी जिल्हाधिकाऱ्यांकडे केली आहे. यावेळी युवकांनी (youth) बोटाला चुना लावत राजकारण्यांचा निषेध नाेंदविला.

Edited By : Siddharth Latkar