संजय सूर्यवंशी

नांदेड : राज्‍यात गेल्‍या आठवडाभरापासून अवकाळी पाऊस व गारपीट होत आहे. यात नांदेड (Nanded) जिल्ह्यात पुन्‍हा अवकाळी पावसाचा धुमाकूळ सुरूच आहे. आज देखील पाऊस (Rain) झाल्‍याने जनजीवन विस्‍कळीत झाले आहे. (Maharashtra News)

मंगळवारी सायंकाळी पुन्हा वादळी वाऱ्यासह अवकाळी पावसाने नांदेड शहरासह जिल्ह्याला झोडपले. या पावसामुळे (Farmer) शेतकऱ्यांसह सर्वसामान्यांचे जनजीवन विस्कळित झाले आहे. सध्या उन्हाळा सुरू असून या उन्हाळ्यात लग्नसराई सुरू आहे. लग्न घरच्यांची या अवकाळी पावसामुळे मोठी धावपळ उडत आहे.

जिल्‍ह्यात दहा दिवसांपासून पाऊस

जवळपास दहा दिवसांपासून हा पाऊस नांदेड जिल्ह्यात बरसत आहे. या अवकाळी पावसामुळे शेती पिकांचे नुकसान तर झालेच. परंतु सर्वसामान्यांचे जनजीवन देखील विस्कळित झाले आहे. बळीराजाचे देखील मोठे नुकसान अवकाळीमुळे होत आहे.