नांदेड : नांदेडच्या मुखेड येथील दिव्यांग शाळेच्या सेवकाने ध्वजाच्या दोरीने गळफास घेऊन आत्महत्या केली. यशवंतराव चव्हाण अपंग (Nanded News) शाळेत ही घटना घडली. (Breaking Marathi News)

मुखेड येथील यशवंतराव चव्‍हाण अपंग शाळेतील हाणमंत गायकवाड असे आत्महत्या केलेल्या सेवकाचे नाव आहे. घटनेची माहिती मिळताच पोलिसांनी घटनास्थळाला भेट देऊन पंचनामा केला. घटनास्थळावरुन पोलिसांना नऊपानी सुसाइड नोट मिळाली आहे.

मालमत्‍ता वाटणीवरुन वाद

हाणमंत गायकवाड याचे मुळ गाव बिलोली तालुक्यातील आहे. दोन दिवसांपूर्वी मालमत्तेच्या वाटणीवरुन भावंडात वाद झाला होता. याच रागातून हाणमंतने आत्महत्या केल्याचा प्राथमिक अंदाज आहे. या प्रकरणी मुखेड पोलिस ठाण्यात आकस्मिक मृत्यूची नोंद केली आहे.