संजय सूर्यवंशी

नांदेड : नांदेडच्या माहुर येथे देवदर्शनासाठी येत असलेल्या तेलंगणाच्या भाविकांच्या (Nanded) जीपचा अपघात झाला. या अपघातात (Accident) १३ प्रवाशी जखमी झाले असून ३ महिला गंभीर जखमी आहेत. सुदैवाने यात जीवितहानी टळली आहे. (Maharashtra News)

नांदेड जिल्ह्यातील माहुर येथे देवदर्शनासाठी येत असताना त्यांच्या या जीपला अपघात झाला. किनवट तालुक्यातील सारखाणी घाटात या जीपचे ब्रेक फेल झाल्याने हा अपघात झाल्याची प्राथमिक माहिती आहे. आज सकाळी १० वाजताच्या सुमारास हा अपघात घडला आहे. या अपघात जीपमधील १३ भविकांपैकी ३ महीला गंभीर जखमी झाल्या आहेत. तर इतर १० जण किरकोळ जखमी झाले आहेत. हे सर्व तेलंगणा राज्यातील भाविक होते.

सर्व जखमी रूग्‍णालयात दाखल

अपघात झाल्‍यानंतर आजूबाजूच्‍या नागरीकांनी मदतीसाठी धाव घेतली. यानंतर जखमींना तातडीने किनवट तालुक्यातील दहेली तांडा येथील प्राथमिक आरोग्य केंद्रात उपचारासाठी दाखल केले आहे.