Parbhani Crime News : परभणी (parbhani) शहरातील जिल्हा सामान्य रुग्णालयात (hospital) एका अधिसेविकेने परिसेविकेस मारहाण करीत जीवे मारण्याची धमकी दिल्याचा प्रकार घडला आहे. या प्रकरणी नानलपेठ पाेलीस (police) ठाण्यात गुन्हा दाखल करण्यात आला आहे.

या घटनेनंतर जिल्हा रुग्णालयातील मंदा प्रकाश साबणे या परिसेविकेने पाेलिस ठाण्यात धाव घेतली. घडलेल्या प्रकाराबाबत तक्रार नाेंदविण्यासाठी घटनाक्रम नमूद केला. त्यानंतर नानलपेठ पाेलिस ठाण्यात अधिसेविकेवर गुन्हा दाखल करण्यात आला. (Maharashtra News)

याबाबत फिर्यादीने दिलेली माहिती अशी कार्यालयात कामकाज करीत असताना अधिसेविका मीनाक्षी सूर्यवंशी यांनी परिसेविका मंदा साबणे (फिर्यादी) यांना फोन करून अस्थिव्यंग विभागात बोलावले. या ठिकाणी गेल्यावर मंदा साबणे यांना मीनाक्षी सूर्यवंशी यांनी शिवीगाळ करून मारहाण केली. यात जखमी (injured) झालेल्या साबणे यांना उपचारासाठी अपघात (accident) विभागात दाखल करण्यात आले. या प्रकरणी मीनाक्षी सूर्यवंशी यांच्यावर गुन्हा नोंदविण्यात आला आहे.

Edited By : Siddharth Latkar