महेंद्र वानखेडे

नालासोपारा : नालासोपारा पूर्वेच्या टाकी रोडवरील साधना अपार्टमेंट या इमारतीच्या दुरुस्तीचे काम सुरू होते. हे काम करत (Nalasopara) असताना विजेचा जोरदार झटका बसल्याने एका कामगाराचा मृत्यू झाल्याची घटना घडली आहे. गुरुवारी सकाळी ११ वाजता ही घटना घडली. (Breaking Marathi News)

नालासोपारा पूर्व परिसरातील अपार्टमेंटच्या दुरुस्तीचे काम चालू होते. बिल्डिंगच्या टेरेसवर पत्र्याचे शेड बसवण्याचे काम करण्यात येत होते. यासाठी लोखंडी पाईप बसवण्यात आले होते. दरम्यान आज शेडचे काम करत असताना लोखंडी पोल बाजूनेच गेलेल्या हायटेन्शन वायरच्या जवळ होता. (Electric Shock) या दरम्यान लोखंडी पाईपाच्या संपर्कात आल्याने एका कामगाराला विजेचा झटका लागला. यात त्याचा जागीच मृत्यू झाला.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

सदर घटनेची माहिती तुळींज पोलिसांना (Police) मिळाल्यानंतर पोलिस घटनास्थळी दाखल झाले. पोलिसांनी मृतदेह ताब्यात घेत पुढील तपासासाठी पाठवला. बिल्डिंगचे दुरुस्ती काम करणाऱ्या ठेकेदाराच्या निष्काळजीपणामुळे हा अपघात घडल्याचा आरोप करण्यात येत आहे. याबाबत पोलिसांकडून तपास सुरु आहे.