- रणजित माजगावकर

Kolhapur Crime News : कोल्हापुरातील (kolhapur latest news) बोंद्रे नगर परिसरात राहणाऱ्या तरुणाच्या त्रासाला कंटाळून एका मुलीने राहत्या घरी आत्महत्या केली. नकुशा बोडके (nakusha bodke) असं मुलीचे नाव आहे. नकुशाने युवकांकडून होणाऱ्या त्रासाला कंटाळून आत्महत्या केल्याचे चिठ्ठीत लिहिलं आहे अशी माहिती पाेलिसांनी दिली. (Maharashtra News)

कोल्हापूर शहरातील फुलेवाडी रिंग रोड परिसरात नकुशा बोडेकर ही राहत होती. तिचे दहावीपर्यंत शिक्षण झाल्यानंतर ती परिसरातील घर कामे करून कुटुंबाला हातभार लावत होती. चार दिवसांपूर्वीच ती नातेवाईकांच्या बोंद्रेनगर इथल्या घरी आली होती.

काल दुपारी घरी कोणीही नसताना तिने आत्महत्या केली. आत्महत्या करण्यापूर्वी तिने कागदावर लाल शाहीने दोन चिठ्ठ्या लिहून ठेवलेल्या आहेत. या चिठ्ठ्यांमध्ये तिने युवकाचे नाव लिहून ताे आपल्याला जाणीवपूर्वक मानसिक त्रास देत असे शारीरिक संबंध ठेवण्यास भाग पाडत असल्याचा केला आहे.

या घटनेनंतर संशयित युवकाने पळ काढला आहे. पोलीस संशयिताला ताब्यात घेण्यासाठी प्रयत्न करत आहेत अशी माहिती अरविंद काळे (पोलीस निरीक्षक, करवीर पोलीस ठाणे) यांनी दिली.

तर घटना टळली असती

दरम्यान संशयित तरुण या तरुणीला त्रास देत असल्याची माहिती या तरुणीने आपल्या कुटुंबीयांना किंवा समाजातील इतर नागरिकांना दिलेली नव्हती. जर याची तक्रार तिने समाजाकडे केली असती तर आपण वेळेतच त्या तरुणाला समज दिली असती. त्यामुळे पुढील अनर्थ टाळला असता अशी प्रतिक्रिया मल्हार सेनेचे महाराष्ट्र अध्यक्ष बबन रानगे यांनी साम टीव्हीशी बाेलताना दिली.

युवकांच्या प्रबाेधनाची गरज

संशयिताला त्वरित अटक करावी आणि त्याला कठोर शिक्षक करावी अशी मागणी पीडित मुलीच्या कुटुंबीयांनी केलेली आहे. यापूर्वी देखील या परिसरातील धनगर समाजातील एका मुलीने एका व्यक्तीच्या त्रासाला कंटाळून आत्महत्या केली होती. त्यामुळे आता पोलीस आणि समाजातील प्रतिष्ठित नागरिकांनी तरुणांचे प्रबोधन करून अशा घटनांना आळा घालण्यासाठी प्रयत्न करावेत अशी मागणी आता पुढे येऊ लागली आहे.

Edited By : Siddharth Latkar