नागपूरकरांसाठी महत्त्वाची बातमी समोर आली आहे. उद्यापासून पुढील दोन दिवस शहरातील अनेक भागांमध्ये पाणीपुरवठा बंद राहणार आहे. तांत्रिक कामांसाठी हा निर्णय घेण्यात आला आहे. उद्या म्हणजे ७ एप्रिल ते ८ एप्रिल या दोन दिवसांमध्ये हा पाणी पुरवठा बंद राहणार आहे. त्यामुळे नागरिकांनी पुरेसा जल साठा करावा असे आवाहन करण्यात आले आहे.

मिळालेल्या माहितीनुसार, नागपूर शहरातील मुख्य जलवाहिनीवर वॉल्व्ह बसवण्याचे काम हाती घेण्यात येणार आहे. हे काम ७ एप्रिल सकाळी १० वाजल्यापासून ते ८ एप्रिल रात्री १० वाजेपर्यंत सुरू राहणार आहे. या कालावधीत महापालिकेचे पेंच जलशुद्धीकरण प्रकल्प ३६ तास बंद ठेवण्यात येणार आहेत. त्यामुळे शहरातील नऊ झोनमधील अनेक वस्त्यांना पाणीटंचाईचा सामना करावा लागणार आहे.

कोणत्या भागात असणार पाणीपुरवठा बंद

• लक्ष्मीनगर झोनमध्ये गायत्रीनगर, प्रतापनगर, खामला भागात पाणी बंद

• टाकळी सिम, जयताळा, त्रिमूर्तीनगर भागात जलकुंभातून पुरवठा बंद

• धरमपेठ झोनमध्येही परिणाम रामनगर, सिव्हिल लाईन, सेमिनरी हिल भागात पाणी बंद

• फुटाळा लाईन, रायफल लाईन, टेकडी वाडी भागात पाणी बंद बर्डी आणि धंतोली परिसरातही टंचाई

• हनुमाननगर झोनमध्ये चिंचभवन, ओंकारनगर, हुडकेश्वर परिसरातही पाणीपुरवठा बंद

• श्रीनगर, नालंदानगर, दुमजली भागातही परिणाम, अनेक जलकुंभ क्षेत्रांमध्ये पाणी बंद

• गांधीबाग झोनमध्ये पाणीपुरवठा खंडित सीताबर्डी, किल्ला महाल, मेडिकल परिसर प्रभावित

• सतरंजीपुरा झोनमध्येही पाणी बंद बोरियापुरा, रेल्वे परिसर, वाहन ठिकाणा प्रभावित

• आशीनगर झोनमध्ये नारा, नारी, जरीपटका भाग प्रभावित , नागरिकांनी पाण्याची साठवण करण्याचे आवाहन

• मंगळवारी झोनमध्ये गिट्टीखदान, गोरेवाडा प्रभावित राजनगर आणि सदर परिसरातही पाणी बंद