नागपूरमधून धकाकदायक बातमी समोर आली आहे. शहरात एतीन वर्षाचा मुलगा खेळायला गेला तो परत आलाच नाही. धक्कादायक म्हणजे या मुलाचा मृतदेह दुसऱ्यादिवशी नाल्यात आढळून आला. या घटनेनंतर परिसरात एकच खळबळ उडाली. सदर घटना शुक्रवारी सायंकाळी घडली असून काल रात्रीच्या सुमारास मुलाचा मृतदेह सापडला आहे. मुलाच्या मृत्यूने त्याच्या आईने हंबरडा फोडला असून त्याच्या कुटुंबीयांवर शोककळा पसरली आहे. मो. कौनेन अस मृत चिमुकल्याच नाव आहे.

मिळालेल्या माहितीनुसार, सदर घटना नागपूरमधील संघर्षनगर परिसरात घडली आहे. मो. कौनेन हा तीन वर्षाचा मुलगा शुक्रवारी सायंकाळी ५च्या सुमारास मामाच्या ६ वर्षाच्या मुलासोबत खेळण्यासाठी गेला. रात्री उशिरापर्यंत तो परतला नाही. परंतु, त्याचा मामाचा मुलगा रात्री घरी परतला. आपण कौनेन सोबत रेस खेळताना तो कुठे गेला माहीत नसल्याचे कौनेनच्या मामाच्या मुलाने कुटुंबीयांना सांगितले.

मुलगा घरी आला नाही म्हणून पालकांनी तपास सुरु केला. खूप शोधाशोध केल्यानंतर शनिवारी ऑटोमोटिव्ह चौकाच्या मागील संघर्षनगर मधील एका नाल्यात तीन वर्षांच्या कौनेनचा मृतदेह सापडला. या घटनेने परिसरात एकच खळबळ उडाली. दरम्यान या घटनेची माहिती पोलिसांना देण्यात आली. पोलिसांनी तातडीने घटनास्थळी धाव घेत तपास सुरु केला.

मृत मो. कौनेनचे वडील मो. इमरान यांचा हँडलूमचा व्यवसाय आहे. तर आईगृहिणी आहे. त्याला एका महिन्याची बहीण आहे. त्याच्या मृत्यूनंतर कुटुंबियांवर दुःखाचा डोंगर कोसळला असून परिसरातून हळहळ व्यक्त करण्यात आली आहे. या घटनेचा सीसीटीव्ही फुटेज देखील समोर आला आहे.