-- मंगेश मोहिते

नागपूर : नागपूर मध्ये गिट्टीखदान पोलीस हद्दीततील हजारी पहाड येथे एक अनोखी चोरी समोर आली आहे. 70 ते 80 किलो वजनाची तिजोरी चोरांनी चक्क चोरून नेली आहे. या तिजोरीमध्ये जवळपास 40 तोळे सोने, तसेच हिरेजडित दागिने आणि मौल्यवान वस्तू होत्या. भाजपचे नगरसेवक आणि जलप्रदाय समितीचे सभापती संदीप गवई यांच्याकडे चोरी झालेली आहे.

हे देखील पहा :

गवई यांच्या कुटुंबीयांचा कपड्याचा व्यवसाय आहे. 17 ऑक्टोबरला गवई कुटुंब मुंबईला खरेदीसाठी गेले होते. ते मुंबईला गेले असता घरी देखरेख करण्यासाठी त्यांचे नातेवाईक आणि एक नोकर होता. शनिवारी २३ तारखेला गवई कुटुंब परत आले. रविवारी त्यांनी लाकडी अलमारी उघडली पण त्यामध्ये तिजोरी मात्र दिसली नाही.

या संदर्भात पोलिसांकडे तक्रार दाखल केलेली आहे. आता याच्या मध्ये अद्याप तरी कुणाला अटक करण्यात आलेली नाही. पण पोलिस मात्र चौकशी करत आहे. या रहस्यमय टोळीचा पर्दाफाश करण्यात पोलिसांना समोर देखील आव्हान आहे. याप्रकरणी पोलिसांनी गुन्हा दाखल करून त्यांचा शोध घेणे सुरू केले आहे.

Edited By : Krushnarav Sathe