नागपूरमध्ये गुन्हेगारी घटनांमध्ये वाढ होत असल्याचं चित्र आहे. अशातच नागपूरच्या एका धक्कादायक घटनेमुळे परिसरात खळबळ उडाली आहे. शहरातील नामांकित 'स्पा' आणि सलूनच्या नावाखाली देहविक्रीचा व्यवसाय सुरू असल्याची माहिती पोलिसांनी मिळाली. पोलिसांनी धाड टाकत देहविक्रीचा व्यवसाय बंद पाडला. तसेच पीडित तरूणींची सुटका केली. या घटनेमुळे परिसरात खळबळ उडाली आहे.

नागपूरच्या त्रिमूर्तीजवळील मंगलमूर्ती चौकात स्पा आणि सलून आहे. या सलूनमध्ये देहविक्रीचा व्यवसाय सुरू होता. याची माहिती नागपूर पोलिसांना मिळताच त्यांनी धाड टाकण्याचा प्लॅन रचला. तसेच रचलेल्या प्लॅनप्रमाणे त्यांनी धाड टाकली. तसेच आरोपींना रंगेहाथ पकडलं. गुन्हे शाखेच्या सामाजिक सुरक्षा विभागाच्या पथकाने राणाप्रतापनगर पोलिस ठाण्याच्या हद्दीत ही कारवाई केली.

या धाडीत पोलिसांनी व्यवस्थापक रंजीत हलदार याला अटक करण्यात आली. मालक गौरांग विश्वास आणि जगदीश पाटील यांच्यासोबत देहविक्रीचा व्यवसाय सुरू असल्याची माहिती पोलिसांना मिळाली. या धाडीदरम्यान, पोलिसांनी दोन पीडिताची सुटका केली आहे. तर, पोलिसांनी एकाला अटक केली आहे.

सध्या पोलिसांकडून दोन जणांचा शोध सुरू आहे. पोलिसांनी दिलेल्या माहितीनुसार, गरीब तरुणी आणि महिलांना पैशांचे आमिष दाखवून देहविक्रीच्या व्यावसायात ओढले जात होते. पोलिसांनी आरोपींना अटक करून स्पा आणि सलूनची तपासणी केली. पोलिसांनी तेथून डीव्हीआर आणि मोबाइल जप्त केला आहे. आरोपींविरोधात राणाप्रतापनगर पोलिस ठाण्यात गुन्हा दाखल करण्यात आला असून, इतर आरोपी आणि पुढील तपास पोलिसांकडून सुरू आहे.