नागपूर : अंमली पदार्थाविरोधात नागपूर पोलीस ऍक्शन मोड वर आले आहेत. नागपूर पोलिसांनी शहरात विशेष मोहीम राबवत अंमली पदार्थ विक्रेत्यांवर धडक कारवाई केलीय. शहरातील प्रत्येक पोलीस स्टेशन हद्दीत ही कारवाई राबविण्यात आली.

हे देखील पहा :

या कारवाईत सहा तासांत पोलिसांनी तब्बल ६६ आरोपींना ताब्यात घेतलं. यात एक लाख ११ हजार रुपयांचा मुद्देमाल पोलिसांनी जप्त केलाय. नागपूरात अमली पदार्थाची तस्करी वाढल्यानं गुन्ह्यातही वाढ होत आहे.

त्यामुळं नागपूर पोलीस आयुक्तांच्या आदेशानं पोलीसांनी ही धडक कारवाई राबविण्यात आली. यात पाच जणांना अमली पदार्थ बाळगताना तर ६१ जणांना अमली पदार्थ सेवन केल्यामुळे ताब्यात घेतलं. आधी क्रिकेट बुकी आणि आता अमली पदार्थ विक्रेत्यांवर पोलिसांनी आपला फास आवळलाय.

Edited By : Krushnarav Sathe