नागपूर - एक डिसेंबरपासून कोरोना लसीच्या पहिल्या डोजसाठी आता पैसे मोजावे लागणार आहे. महानगरपालीकेच्या लसीकरण केंद्रांवर पहिल्या डोजची निःशुल्क सेवा बंद केली जाणार आहे. मोफत लसीकरणाचं काही नागरिकांना गांभीर्य दिसत नाही. त्यामुळं मोफत लसीकरण बंद करणार असल्याची माहिती नागपूर महानगरपालिकेचे अतिरिक्त आयुक्त राम जोशी यांनी दिली आहे.

हे देखील पहा -

नागपूरात १४ टक्के लोकांनी अद्यापही कोरोना लस घेतलेली नाही. कोरोना लसीबाबत झोपडपट्टी आणि काही समुदायांमध्ये अजूनही संभ्रम आहे. तब्बल २ लाख ७० हजार लोकांनी आतापर्यंत पहिला डोज घेतलेला नाही. मात्र, ३० नोव्हेंबर पर्यंत पहिला डोज पूर्ण करण्याचा महापालिकेचा प्रयत्न आहे. यासाठी नागपूर महानगरपालिकेकडून जनजागृती सुरु आहे.

नागपूरात १८ वर्षावरील नागरिकांची संख्या १९ लाख ८३ हजार इतकी आहे. तर आतापर्यंत १६ लाख ८७ हजार नागपुरकरांनी घेतली कोरोनाची लस घेतली आहे. शहरातील आशीनागर झोन, सतरंजीपुरा, गांधीबाग, लकडगंज परिसरात कमी लसीकरण झालंय. त्यामुळं लसीकरणाबाबत गांभीर्य वाढावं यासाठी मोफत लसीकरण बंद करण्याचा निर्णय महापालिकेनं घेतला आहे.

Edited By - Shivani Tichkule