नागपूर : स्वतःच्याच घरातच कोणी चोरी करू शकते हा प्रकार ऐकायला अजब वाटत असला तरी अशा प्रकारची घटना नागपूरच्या वाठोडा पोलीस स्टेशन हद्दीत घडली. स्‍वतःच्‍याच घरातील आईचे सोन्या- चांदीचे दागिने मुलाने शौक पुर्ण करण्याकरिता चोरी केले. मात्र आता तो पोलीस (Police) कोठडीत पोचला आहे. (nagpur news Mother jewelry stolen child to enjoy)

स्वतःचे शौक पूर्ण करण्यासाठी कोण काय करेल याचा नेम नाही. नागपुरातील (Nagpur) एका मुलाने तर आपल्या शौक भागविण्यासाठी चक्क घरात आईच्या दागिन्यांची चोरी केली. आईला जेव्हा दागिन्यांची गरज पडली आणि तिने कपाटात बघितले असता दागिने घरात नव्हते. घरात चोरी झाली असावी या उद्देशाने आईने (Crime News) पोलिसात तक्रार दाखल केली.

पोलिसांच्‍या तपासात सत्‍य बाहेर

पोलिसांनी चोरीचा तपास सुरू केला असता चक्क त्या आईचा मुलगाच चोर निघाला. पोलिसांनी घरातून राहता चोरी करणाऱ्या चोरट्यांच्या मुसक्या आवळल्या असून त्याच्याकडून संपूर्ण मुद्देमाल हस्तगत केला आहे. या घटनेमुळे चांगलीच खळबळ उडाली असून स्वतःच्या घरात आपली मालमत्ता सुरक्षित नाही. घरातील मेंबर अशा प्रकारचे कृत्य करू शकते का असे अनेक प्रश्न यानिमित्ताने उपस्थित व्हायला लागले.