मंगेश मोहिते

नागपूर : अनेक मोबाईल असो की इतर मौल्यवान वस्तू चोरीला गेल्या की त्याची मिळण्याची शक्यता मावळत असते मात्र जर त्या मिळाल्या तर त्याचा आनंद मात्र काही औरच असतो. ते देखील वस्‍तू हरविल्‍यानंतर तब्‍बल तीन वर्षांनी सापडते व अचानक हातात येते. (nagpur-news-Mobile-phones-lost-three-years-ago-can-be-found-nagpur-police)

दिवाळीमध्ये भेट वस्तू देण्याची परंपरा आहे. मात्र तुमच्या आवडीची वस्तू हरवली आणि ती दिवाळीच्या दिवशी मिळाली तर त्याची खुशी मोठी असते. नागपूरच्या मानकापूर पोलिसांनी नागरिकांना त्यांचे हरविलेले मोबाईल शोधून त्यांच्या स्वाधीन करत दिवाळीची भेट दिली.

२०१८ मध्‍ये हरविले मोबाईल

हरवलेला किंवा चोरी गेलेला मोबाईल पुन्हा मिळेलच याची खात्री काही नसते. आपण पोलिसात तक्रार देतो आणि दुःख व्यक्त करतो. मात्र पोलीस आपले काम करत असतात. २०१८ मध्ये हरवलेले आणि चोरी गेलेले सहा मोबाईल पोलिसांनी तांत्रिक तपास करत रिकव्हर केले आणि दिवाळीच्या पर्वावर त्यांच्या मूळ मालकांच्या स्वाधीन केले. यामुळे ज्यांचे मोबाईल मिळाले त्यांच्या चेहऱ्यावर नक्कीच हसू फुलले आणि आनंदी झाले.