नागपूर : नागपूरच्या हुडकेश्वर पोलिसांनी घरफोडी करणारी अशी (Nagpur) एक टोळी पकडली. ज्यामध्ये सहा पैकी चार सदस्य हे विधी संघर्ष बालक म्हणजेच अल्पवयीन आहेत. यांनी सात ठिकाणी घरफोडी (Crime News) केल्याचे उघड झाले असून यांच्याकडून सोन्या चांदीचे दागिने सुद्धा हस्तगत करण्यात आलेत. (Breaking Marathi News)

दिवाळीच्या (Diwali) काळात हुडकेश्वर परिसरात मोठ्या प्रमाणात घरफोडीच्या घटना वाढल्या होत्या. त्यामुळे पोलिसांनी या घटनांवर लक्ष केंद्रित केले होते. यातील एका टोळीच्या मुस्क्या आवळल्या आहेत. या टोळीमध्ये सहा सदस्य असून त्या सहापैकी चार हे अल्पवयीन आहेत. या टोळीने सात घरफोड्या केल्याचे पोलीस तपासात निष्पन्न झाले आहे.

बंद घराची करायचे ते पाहणी

पोलिसांनी सोन्या-चांदीच्या दागिन्यासह मुद्देमाल सुद्धा हस्तगत केला. या टोळीचा नेमका मोरक्या कोण आणि एवढे लहान मुलं एवढ्या गंभीर गुन्ह्यात कसे काय सामील झाले? याचा शोध आता पोलीस घेत आहे. पोलिसांनी या टोळीला पकडल्यानंतर आणि याची विचारपूस केल्यानंतर अनेक गंभीर बाबी समोर आल्या. लहान पोरांच्या माध्यमातून बंद असलेल्या घराची पाहणी करत हे रात्रीच्या वेळी तिथे जाऊन चोरी करायचे. मुद्देमाल आपसात वाटून घ्यायचे. पण आता यांचा सगळा प्रकार समोर आला असून आता यांना जेलची हवा खावी लागणार आहे