Sharad Ponkshe: सत्ता गेल्याने प्रसिद्धी मिळवण्यासाठी फालतूगिरी; अभिनेते शरद पोंक्षे यांचा राष्ट्रवादीवर आरोप

पंढरपूर : पुरोगाम्यांना हिंदू राष्ट्र म्हणणं आवडत नाही. हिंदू धर्म, हिंदू राष्ट्र नको आहे याचा त्यांना‌ त्रास होतो. राज्यातील सत्ता गेल्याने प्रसिद्धी मिळवण्यासाठी ही फालतू गिरी सुरू असल्याचा गंभीर आरोप अभिनेते शरद पोंक्षे यांनी (NCP) राष्ट्रवादीवर केला आहे. (Letest Marathi News)

हरहर महादेव या मराठी चित्रपटावरून सध्या वाद निर्माण झाला आहे. यामध्ये आता चित्रपट अभिनेते शरद पोंक्षे (Sharad Ponkshe) यांनी उडी घेतली आहे. शरद पोंक्षे हे रात्री एका पुरस्कार कार्यक्रमासाठी पंढरपुरात (Pandharpur) आले होते. यावेळी त्यांनी हरहर महादेव चित्रपटाला होत असलेल्या विरोधा नंतर प्रतिक्रिया दिली.

तुम्‍ही गुंड आहात का?

सेनसॉर संमत असलेला चालू सिनेमा बंद पाडता. प्रेक्षकांना मारहाण करता. तुम्ही गुंड आहात का? स्वतःला पुरोगामी समजता का? शाहु, फुले, आंबेडकरांनी हेच शिकवले का असे अनेक सवाल उपस्थित करत अप्रत्यक्ष जितेंद्र आव्हाड आणि राष्ट्रवादीला टोला लगावला.