नागपूर - विधान परिषद निवडणुकीसाठी आज मतदान होत आहे. प्रत्येक्ष मतदानाला सुरुवात झाली आहे. 15 केंद्रांवर मतदान पार पडते आहे. प्रत्येक्ष मतदानाला काही तास शिल्लक असताना काँग्रेसने अधिकृत उमेदवार बदलवून अपक्ष उमेदवाराला पाठिंबा जाहीर केला. त्यामुळं आता भाजपचे चंद्रशेखर बावनकुळे विरूद्ध काँग्रेस समर्थीत अपक्ष उमेदवार यांच्यात लढत होत आहे. मात्र, भाजपकडे संख्याबळ अधिक आहे. त्यामुळं भाजपचं पारडं या निवडणुकीत जड आहे. त्यावर आता छोटू भोयर यांनी आपली प्रतिक्रया दिली आहे.

ते म्हणले की, मी निवडणूक लढवायला असमर्थता दर्शवली नव्हती, मात्र काँग्रेसने उमेदवार बदलायचा निर्णय घेतला, त्या निर्णयासोबत मी आहे. मतदारांनी सदसदविवेक बुद्धीने मतदान करावं असं आवाहन छोटू भोयर यांनी केलं आहे. आज छोटू भोयर यांनी मतदानाचा हक्क बजावला. मतदानाच्या १२ तास आधी छोटू भोयर यांना बदलून काँग्रेसने मंगेश देशमुख यांना समर्थन दिलं. आता भाजपचे काही मतं फुटणार का हे काँग्रेसच्या नेत्यांना विचारा, असंही छोटू भोयर म्हणाले.

Edited By - Shivani Tichkule