पराग ढोबळे, साम टीव्ही प्रतिनिधी

नागपूर : नागपूर कारागृहात कैद्यांचं पुन्हा एकदा टोळीयुद्ध झाल्याची घटना घडली आहे. कारागृहातल दोन गटात मोठा राडा झाला. कारागृहात एका गुंडाच्या प्रेयसीबद्दल अपशब्द वापरल्याने दोन गटात तुफान राडा झाला. दोन गटाच्या हाणामारीत चार जण किरकोळ जखमी झाले आहेत. या प्रकरणी धंतोली पोलिसांत ७ जणांवर गुन्हा नोंदवण्यात आला आहे.

नागपूर जेलमध्ये टोळीयुद्ध

मिळालेल्या माहितीनुसार, नागपूर कारागृहात कैद्यांच्या दोन गटात गर्लफ्रेंडवरून जोरदार राडा झाला. जेलमधील दोन गटाची फ्रीस्टाईल हाणामारी झाली. दोन गटात तुफान झालेल्या भांडणात जेलमधील साहित्यांचे नुकसान झालं.

दोन्ही गटातील कैद्यांनी टीव्ही संच आणि इतर साहित्य फोडले. या हाणामारीत काही कैदी किरकोळ जखमी झाले. त्यानंतर कारागृहातच त्यांच्यावर प्राथमिक उपचार करण्यात आले. दिवसाढवळ्या झालेल्या टोळीयुद्धामुळे कारागृहातील सुरक्षेचा प्रश्न ऐरणीवर आला आहे.

नेमकं काय घडलं?

नागपूर कारागृहातील दोन कैद्यांनी एकाच्या गर्लफ्रेंडविषयी आक्षेपार्ह गोष्टी बोलल्या गेल्या. यामुळे एका कैद्याला राग आला. यामुळे या कैद्याने रागाच्या भरात त्या कैद्यांवर हल्ला चढवला. या हल्यात एक कैदी जखमी झाला. यावेळी दोन्ही गटातील कैद्यांनी एकमेकांवर हल्ले केले. या हाणामारीत काही कैदी जखमी झाले. यानंतर कारागृहात एकच खळबळ उडाली. विविध गुन्ह्यात अटकेत असलेलं हे सर्व कैदी आहेत. राडा केल्यानं 7 जणांवर धंतोली पोलिसात गुन्हा नोंदवण्यात आला आहे.