नागपूर : महामेट्रोच्या नागपूर (Nagpur Metro) प्रकल्पात २००० कोटींचा आर्थिक गैरव्यवहार केल्याचा आरोप राष्ट्रवादीचे नेते प्रशांत पवार यांनी केलाय. कंत्राट न काढता कामं देऊन भ्रष्टाचार केल्याचा आरोप आहे. तसंच नागपूरातील स्थानिक व्यापाऱ्यांचे जवळपास ३८ कोटी रुपये थकवले असून सोमवारपासून हे व्यापारी नागपूर (Nagpur) मेट्रोविरोघात उपोषणाला बसणार, असंही प्रशांत पवार यांनी पत्रकार परिषदेत सांगितले.

हे देखील पहा :

प्रशांत पवार यांनी मेट्रोचे एमडी ब्रीजेश दिक्षीत यांच्यावर भ्रष्टाचाराचे आरोप केले आहेत. २०१९ पासून महामेट्रोने पैसे थकवल्याचा आरोप करण्यात आलाय. ज्या स्थानिक व्यापाऱ्यांचे पैसे थकवल्याचा आरोप केलाय, ते व्यापारी या पत्रकार परिषदेत उपस्थित होते. नागपूरातील स्थानिक व्यापाऱ्यांचे ३८ कोटी रुपये थकवले, याची राज्याचे अर्थमंत्री अजित पवार यांच्याकडे करणार, असं नागपूर राष्ट्रवादीचे अध्यक्ष दुनेश्वर पेठे यांनी सांगितले.

Edited By : Krushnarav Sathe