Sangli Crime News : मिरजेतील समतानगर जवळ रेकॉर्डवरील गुन्हेगारावर पूर्ववैमनस्यातून तलवार आणि कोयत्याने जीवघेणा हल्ला करण्यात आल्याची घटना घडली आहे. या हल्ल्यात तरुण गंभीर स्वरूपात जखमी झाला असून त्याच्यावर मिरज शासकीय रुग्णालयात उपचार सुरू आहेत. (Latest Marathi News)

तर इस्माईल सलीम मुजावर वय 25 रा वेअरहाऊस जवळ समतानगर मिरज असे गंभीर जखमी तरुणाचे नाव आहे. याबाबत मिरज महात्मा गांधी चौक पोलीस ठाण्यात नोंद करण्यात आले असून पोलिसांनी (Police) चार संशयीताना ताब्यात घेतले आहे.

जखमी इस्माईल मुजावर हा सेंटरिंगचे काम करतो. त्याच्यावर यापूर्वी बरेच गुन्हे दाखल आहेत. तो मूळचा कुपवाड या ठिकाणचा असून आई, वडील आणि भावासोबत काही दिवसांपूर्वी मिरजेत भाड्याच्या घरात राहत होता. रात्रीच्या सुमारास अज्ञातांनी त्याच्या घरात घुसून पूर्ववैमनस्यावरून धारधार शस्त्राने जीवघेणा हल्ला केला असल्याची प्राथमिक माहिती मिळाली आहे. याबाबतचा अधिक तपास महात्मा गांधी चौक पोलीस करीत आहेत.