मुंबई : मुंबईच्या वनराई पोलीस ठाण्याच्या हद्दीत पश्चिम द्रुतगती महामार्गावर वेगवान कारचा कहर पाहायला मिळाला. अतिवेगात आलेल्या कारने रिक्षा आणि दुचाकीला दिलेल्या धडकेत दोन जणांचा जागीच मृत्यू (Accident Death) झाला. तर दोन जण गंभीर जखमी झाले आहेत. मात्र घटनास्थळावरून कारचालकाने पळ काढला असून आता वनराई पोलीस (Police) कार चालकाचा शोध घेत आहेत. (Tajya Batmya)

पश्चिम द्रुतगती महामार्गावर कारचालक भरधाव वेगाने कार चालवत होता. पश्चिम द्रुतगती महामार्गावरील जय कोच सिग्नलवर कार पोहोचताच त्याचे कारवरील नियंत्रण सुटले. यानंतर गाडी दुसऱ्या बाजूला गेल्याने रिक्षा आणि दुचाकीला जाऊन (Accident) धडकले. यात रिक्षातील प्रवासी आणि रिक्षा चालक या दोघांचा जागीच मृत्यू झाला असून रिक्षातील अनेक प्रवासी आणि दुचाकीस्वार हे दोघेही गंभीर जखमी झाले आहेत.

वाहन चालकाविरोधात गुन्‍हा

जखमींना जवळच्या हिंदुरुदयसम्राट बाळासाहेब ठाकरे ड्रामा केअर सेंटरमध्ये उपचारासाठी दाखल करण्यात आले आहे. वनराई पोलिसांनी अज्ञात वाहन चालका विरोधात आयपीसी 279, 304(A) 338 आणि मोटार वाहन कायद्यानुसार गुन्हा दाखल केला आहे. सध्या वनराई पोलीस वाहन चालकाचा शोध घेत आहेत.