लोकसभा निवडणुकीत पिछेहाट झालेल्या सत्ताधारी महायुती सरकारसाठी लाडकी बहिण योजना गेम चेंजर ठरण्याची शक्यता आहे. कारण राज्यात या योजनेला मोठा प्रतिसाद मिळालाय. मात्र सरकारच्या या महत्वकांक्षी योजनेत सरकारच्या तिजोरीवर मोठा ताण आलेला आहे.
राज्यातील 21 ते 65 वयोगटातील पात्र महिलांना राज्य शासनाने स्वातंत्र्य दिनाच्या पूर्वसंध्येपासून 1500 रुपये प्रति महिना असे तीन हजार रुपयांचा हप्ता बँक खात्यात जमा केलाय. आतापर्यंत सुमारे एक कोटी 25 लाखांच्या वर लाभार्थ्यांच्या बँक खात्यात पैसे जमा झालेत. या योजनेचा तिजोरीवर मोठा भार झाला आहे. त्यामुळे ऐन सणासुदीच्या तोंडावर सरकारी कर्मचाऱ्यांना बोनस सोडा साधा पगार तरी मिळेल का? असा सवाल खासदार संजय राऊतांनी उपस्थित केलाय.
1 मुख्यमंत्री माझी लाडकी बहिण योजनेसाठी दरवर्षी 46 हजार कोटींची तरतूद करण्यात आली आहे.
2 कर्मचारी पगार, निवृत्ती वेतन, कर्जाच्या व्याजासाठी खर्च 53% म्हणजेच 2 लाख 64 हजार 341 कोटी.
3 अर्थसंकल्पात एकूण खर्चासाठी 6 लाख 12 हजार 293 कोटी रुपयांची तरतूद.
4 महसूली जमा 4 लाख 99 हजार 463 कोटी रुपये.
5 महसुली खर्च 5 लाख 19 हजार 514 कोटी रुपये.
6 भांडवली तसंच इतर खर्च 47% म्हणजेच 2 लाख 34 हजार 416 कोटी.
या योजनेवरुन विरोधकांची सत्ताधाऱ्यांवर सातत्यानं टिका होतेय. मतांसाठी ही योजना असल्याचा निशाणा साधला जातोय. राज्यावर कर्जाचा डोंगर आहे. सरकारच्या तिजोरीत खडखडाट असताना ही योजना राबवणे तारेवरची कसरत आहे. त्यामुळे विधानसभा निवडणुकीनंतर या योजनेचे काय होणार असा प्रश्न सामान्यांच्या मनात उपस्थित होतोय.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.