पुणे : महाराष्ट्र लोकसेवा आयोगाने (Maharashtra Public Service Commission) आज (गुरुवार) त्यांच्या संकेतस्थळावर एक जाहिरात प्रसिद्ध करुन आठशे पदांच्या भरती करणार असल्याचे जाहीर केले आहे. ही भरती महाराष्ट्र दुय्यम सेवा अराजपत्रित गट ब संयुक्त पूर्व परीक्षा 2022 मधून विविध संवर्गातील (mpsc vacancies) असेल. त्याची (mpsc) पूर्व परीक्षा याच वर्षी आठ ऑक्टोबरला हाेईल. (mpsc declared recruitment for 800 various vacancies)

महाराष्ट्र लोकसेवा आयोगाने राज्‍यसेवा पूर्व परीक्षेतील रचनेत बदल केला आहे. त्‍यानुसार आता CSAT चा पेपर हा पात्रतेसाठी ग्राह्य पकडण्यात येईल. यामध्ये ३३ टक्‍के गुण मिळविणा-यास पेपर क्रमांक एकमधील गुणांच्‍या आधारे राज्‍यसेवा मेन परीक्षेसाठी गुणवत्ता यादीत स्थान मिळेल.

पूर्व परीक्षा देणाऱ्या विद्यार्थ्याचा (student) पेपर क्रमांक दोनची तपासणी झाल्यानंतर ज्‍यांना किमान ३३ टक्‍के गुण (६६ किंवा त्‍यापेक्षा अधिक) मिळतील अशांचा पेपर क्रमांक एक तपासला जाईल. पेपर क्रमांक एकच्‍या गुणांच्‍या आधारे मुख्य परीक्षेसाठीची गुणवत्ता यादी तयार हाेईल. त्याचा फायदा आर्टस, काॅमर्स आणि सायन्सच्या विद्यार्थ्यांना हाेईल असे तज्ञांचे म्हणणे आहे. आजपर्यंत सिसॅटच्‍या गुणांमुळे सायन्स शाखा, डिप्लाेमाच्या विद्यार्थ्यांना त्याचा अधिक लाभ हाेत असे. आता सर्वांना समान संधी उपलब्‍ध होऊ शकतील.

Edited By : Siddharth Latkar