नीट, TET पेपरफुटीनंतर आता महाराष्ट्र लोकसेवा आयोगाचा पेपर फुटल्याचा आरोप होतोय.... MPSC मार्फत 22 मार्चला औषध निरीक्षक पदासाठी परिक्षा घेण्यात आली... मात्र या परिक्षेच्या दोन दिवसआधी 20 मार्चलाच व्हॉट्सअॅपवर पेपर फुटल्याचा आरोप परीक्षार्थी ऋषिकेश गांगुर्डे या विद्यार्थ्यानं केलाय.

मुळात या प्रकरणी गौरव पाटील या परीक्षार्थीनं 22 मार्चचा पेपर फुटल्याची तक्रार मेल द्वारे MPSCला 24 जुलेला केली होती. या तक्रारीत विद्यार्थ्यानं नेमके काय आरोप केले आहेत ते पाहूयात...

मैत्रिणीनं 20 मार्चला औषध निरीक्षक परिक्षेत येणाऱ्या प्रश्नांचे 25 फोटो व्हॉट्सअॅपवर आल्याचे सांगितले

25 फोटोत परीक्षेतील जवळपास 200 प्रश्न पर्यायासह होते

MPSCच्या मूळ प्रश्नपत्रिकेतील 90 प्रश्न सारखे होते

कौटील्य फाऊंडेशनचे संचालक प्रवीण पाटील यांनी पेपरसाठी 5 लाख रुपयांची मागणी विद्यार्थ्यांकडे केली

पेपर दिल्यानंतर त्यातील 10 प्रश्न चुकीचे सोडवण्यास सांगितले होते..

ठाकरेसेनेच्या नेत्या सुषमा अंधारेंनी या पेपरफुटीवरून कौटील्य फाऊंडेशनच्या प्रवीण पाटलांवर आरोप केले आहेत. त्यामुळे क्लास चालकांवर कारवाई का होत नाही? असा सवाल उपस्थित केलाय... तर प्रवीण पाटलांनी पेपरफुटीचे आरोप फेटाळून लावलेत... मात्र अचानक या प्रकरणात मोठा ट्विट्स आला. ज्या गौरव पाटीलनं पेपरफुटीची तक्रार केली होती त्यानंत नंतर पुन्हा परीक्षा देता म्हणून बनाव केल्याचा सांगत MPSCला मेल पाठवून आपली तक्रार मागे घेतली. मात्र त्याच्यावर दबाव टाकून तक्रार मागे घ्यायला लावल्याचा आरोप सुषमा अंधारेंनी केलाय. तर या प्रकरणात पोलिसांत गुन्हा दाखल करणार असल्याचं स्पष्टीकरण MPSCनं दिलंय.

नीट पेपरफुटी प्रकरणानंतर केंद्रीय शिक्षणमंत्री धर्मेंद्र प्रधान यांना राजीनामा द्यायला तरुणांनी भाग पाडलं... त्यात आता MPSCतही पेपरफुटी झाल्याचा दावा करण्यात येतोय. MPSCनं यावर स्पष्टीकऱण दिलं असलं तरी एखाद्या क्लासेसच्या प्रश्नसंचातल्या प्रश्नांचं MPSC प्रश्नपत्रिकेशी मोठ्या प्रमाणावर साम्य असेल तर त्याचीही चौकशी व्हायला हवी. कारण नीट प्रकरणात अशाच खासगी क्लासेसचं कनेक्शन समोर आलं होतं. त्यामुळे या प्रकरणाची सखोल तपास करण्याची गरज आहे.