सातारा: खासदार उदयनराजे भोसले (Udayan Raje Bhosle) आपल्या स्टाईलमुळे चर्चेत असतात. त्यांचा कडक स्वभावामुळे सगळ्यांना माहित आहे. त्यांचे अनेक व्हिडिओ समोर आले आहेत. पण आज सोशल मीडियावर त्यांचा एक व्हिडिओ चांगलाच व्हायरल झाला आहे. या व्हिडिओत (Video) ते भावनिक झाल्याचे पाहायला मिळत आहे. या व्हिडिओची सोशल मीडियावर चांगलीच चर्चा सुरु आहे.

भाजप (BJP) खासदार उदयनराजे भोसले एका पेट्रोल पंपाजवळ पुस्तक विकणाऱ्या मुलीची सर्व पुस्तके खरेदी करताना दिसत आहेत. मिळालेल्या माहितीनुसार, रस्त्याने जात असताना त्यांनी एका लहान मुलीला पुस्तक विकताना पाहिले. त्यानंतर त्यांनी चालकाला गाडी थांबवण्यास सांगितले. यानंतर त्या मुलीला जवळ बोलवले, आणि मुलीजवळ असणारी सर्व पुस्तके विकत घेतली. या पुस्तकांचे त्यांनी अनाथाश्रमातील मुलांना वाटप केले.

दरम्यान हा व्हिडिओ सोशल मीडियावर (Social Media) चांगलाच व्हायरल झाला आहे. उदयनराजे भोसले या व्हिडिओत भावनिक झाल्याचे पाहायला मिळत आहे. त्या मुलीकडील सर्व पुस्तके, कॅलेंडर विकत घेत तिला पैसे दिले. आणि हे सर्व जवळच असणाऱ्या अनाथ आश्रमात वाटले. हा व्हिडिओ सोशल मीडियावर अनेकांनी शेअर केला आहे.