- अमर घटारे

Amravati News : समृद्धी महामार्गावर अपघाताची मालिका सुरूच असल्याचे चित्र आजही दिसून आले आहे. अमरावती जिल्ह्यातील धामणगाव रेल्वे तालुक्यातील घुईखेड नजीक येथे एक अपघात झाल्याची घटना समाेर आली आहे. या अपघातात मध्यप्रदेशातील महिला पोलिस निरीक्षक गंभीर जखमी झाल्या आहेत. (Maharashtra News)

या अपघाताबाबत मिळालेली माहिती अशी मध्यप्रदेश पोलिस दोन संशयित आरोपींना घेऊन समृध्दी महामार्गाने नयनपुरच्या दिशेने निघाले हाेते. पहाटेच्या सुमारास चालकाला डुलकी लागल्याने चारचाकी थेट दुभाजकाला धडकली.

या अपघातात सुदैवाने कुठलीही जीवितहानी झालेली नाही. या घटनेत महिला पाेलिस अधिकारी निधी नेमा या गंभीर जखमी झाल्या आहेत. त्यांच्यावर रुग्णालयात उपचार सुरु आहेत. पाेलिस या घटनेची कसून चाैकशी करीत आहेत.

Edited By : Siddharth Latkar