Mumbai News:

राष्ट्रीय ओबीसी महासंघाची आज सह्याद्री अतिथीगृहावर बैठक आयोजित करण्यात आली होती. ओबीसी समाजाच्या मागण्यांसाठी मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि ओबीसी मंत्री अतुल सावे यांनी दुपारी २ वाजता महत्त्वाची बैठक बोलावली होती. ही बैठक आता संपली आहे. (Latest Marathi News)

मराठा समाजाला ओबीसीमधून आरक्षण देण्यास ओबीसी समाजाचा विरोध आहे. याशिवाय ओबीसी समाजाचे अनेक प्रश्न शासन दरबारी प्रलंबित आहेत, त्यादृष्टीने या बैठकीकडे ओबीसी समाजाचे लक्ष लागून होते. आता ही बैठक संपली असून बैठकीत नेमकं काय झालं त्याची माहिची जाणून घेऊ.

सहयाद्रीच्या बैठकीत नेमकं काय काय झालं?

1. मराठ्यांना सरसकट कुणबी प्रमाणपत्र देणार नाही अशी भूमिका मुख्यमंत्र्यांनी बैठकीत मांडली अशी माहिती ओबीसी नेत्यांनी दिली.

2. बिहारमधील जातीय जनगणनेप्रमाणे महाराष्ट्रात देखील ओबीसींच सर्वेक्षण होईल.जनगणना हा शब्द काढून सर्वेक्षण हा शब्द वापरला जाईल.

3. चंद्रपूरमधील ओबीसी तरुणांचं उपोषण सोडवण्यासाठी स्वतः देवेंद्र फडणवीस जाणार आहेत.

4. उद्याचा चंद्रपूर बंद ओबीसी महासंघाने मागे घेतला.

5. ओबीसी आरक्षणाला कोणताही धक्का लावणार नाही असा मुख्यमंत्र्यांनी बैठकीत सांगितलं

भाजप काढणार ओबीसींची जागर यात्रा

भाजपकडून ओबीसींची जागर यात्रा काढण्यात येणार आहे. भाजप प्रदेशाध्यक्ष चंद्रशेखर बावनकुळे हे जागर यात्रेचे नेतृत्व करणारेत. आजचा निर्णय झाला तो प्रत्येक गावापर्यंत पोहोचवला जाणार आहे. २ ऑक्टोबरपासून हिंगणघाट येथून जागर यात्रेला सुरुवात होणार आहे. विदर्भातील हा पहिला टप्पा पोहरादेवी येथे समारोप केला जाईल. उपमुख्यमंत्री देवेंद्र फडणवीस यांच्या नेतृत्वाखाली पोहरादेवी येथे हा समारोपाचा कार्यक्रम होईल.