सिद्धेश म्हात्रे

Mansarovar fire News : पनवेल तालुक्यातील मानसरोवरमधून आगीचं वृत्त समोर येत आहे. मानसरोवर रेल्वे स्थानकाजवळील पार्किंगमध्ये उभ्या दुचाकींना आग लागल्याची घटना समोर आली आहे. सोमवारी सायंकाळी ही घटना घडली आहे. या आगीत ४२ दुचाकी जळून खाक झाल्या आहेत. आगीच्या घटनेचं वृत्त मिळताच अग्नीशमन दलाचे जवान घटनास्थळावर दाखल झाले. (Latest Marathi News)

मिळालेल्या माहितीनुसार, मानसरोवर रेल्वे स्थानकाबाहेरील पार्किंगमध्ये उभ्या असलेल्या दुचाकींना आग (Fire) लागल्याची घटना समोर आली आहे. या लागलेल्या आगीत ४२ दुचाकी जळून खाक झाल्या आहेत. सोमवारी सांयकाळच्या सुमारास आग लागली आहे.

या आगीवर नियंत्रण मिळविण्यात अग्निशमन दलाच्या जवानांना यश मिळालं आहे. ही आग समाजकटंकाने लावल्याचा संशय व्यक्त करण्यात येत आहे. दुचाकींना लागलेली आग विझली असून आग नेमकी कशी व कोणी लावली याचा तपास पोलिसांतर्फे करण्यात येणार आहे.