नागपूर : जळगाव (Jalgaon) येथील रहिवासी असणाऱ्या एका तरुणाने नागपुरातील (Nagpur) विवाहित महिलेला प्रेमाच्या जाळ्यात अडकवून तिच्यावर वारंवार बलात्कार (facebook friend abuse married woman) केला आहे. आरोपीने पीडित महिलेला लग्नाचे (marriage) आमिष दाखवून तिच्याबरोबर अनेकदा लैंगिक संबंध प्रस्थापित केले आहे.

यामधून पीडित महिला गर्भवती (pregnant) राहिल्यावर, आरोपीने पीडितेवर दबाव टाकून तिला गर्भपात करण्यास भाग पाडले होते. यानंतर आरोपीने लग्नाला नकार देत, तिची फसवणूक (Marriage fraud) केली आहे. या प्रकरणी पीडित महिलेने जरीपटका पोलीस ठाण्यात आरोपीविरोधात फिर्याद दाखल आहे. पोलिसांनी बलात्कारासह विविध कलमाअंतर्गत गुन्हा दाखल केला आहे.

हे देखील पहा-

देवेंद्र विकास पवार असे ३८ वर्षीय आरोपीचे नाव असून तो जळगाव जिल्ह्यातील चांदसार या गावातील रहिवासी आहे. तर ३६ वर्षीय पीडित महिला नागपुरातील जरीपटका परिसरातील रहिवासी आहे. पीडित महिला विवाहित असून तिला एक मुलगा आणि मुलगी देखील आहे. पण पतीबरोबर पटत नसल्यामुळे मागील काही दिवसापासून पीडित महिला पतीपासून वेगळे राहत आहे.

दरम्यान, २०१७ साली पीडित महिलेची जळगावातील देवेंद्र याच्याशी फेसबुकवर ओळख झाली होती. कालांतराने संवाद वाढत गेल्यावर त्यांच्यातील ओळखीचे रुपांतर प्रेमात झाले होते. सुरुवातीला काही दिवस चॅटींग केल्यानंतर देवेंद्र याने पीडितेला जळगावात भेटण्यासाठी बोलावले. याठिकाणी आरोपीने पीडित महिलेला आपल्या मित्राच्या घरी नेऊन तिच्याबरोबर शारीरिक संबंध प्रस्थापित केले होते.

तसेच तिला लग्नाचे आमिष देखील दाखवले. त्यामुळे पीडित महिला आपल्या पतीला घटस्फोट देऊन आरोपी देवेंद्र याच्याशी लग्न करणार होती. आरोपी देखील नागपूराला येऊन पीडित महिलेबरोबर लिव्ह इन रिलेशनमध्ये राहू लागला. दरम्यान पीडित महिला गर्भवती राहिली. पण आरोपीने पीडितेवर दबाव आणून तिला गर्भपात करण्यास भाग पाडले आहे. यानंतर आरोपीने लग्नाला नकार देत तिची फसवणूक केली आहे. या प्रकारानंतर पीडित महिलेने जरीपटका पोलीस ठाण्यात आरोपी देवेंद्र विरोधामध्ये गुन्हा दाखल करण्यात आला आहे. जरीपटका पोलीस घटनेचा अधिक तपास करत आहेत.

Edited By- Digambar Jadhav