उपमुख्यमंत्री सुनेत्रा पवार प्रीतीसंगमावर पोहचल्या...

यशवंतराव चव्हाण यांच्या समाधीचे घेणार दर्शन

अमरावतीत भाजपचा महापौर करण्याच्या हालचालींना वेग

पालकमंत्री चंद्रशेखर बावनकुळे उपस्थितीत काल नागपुरात बैठक संपन्न,

मिलिंद बांबल, ऋषिकेश देशमुख,आशिष अतकरे ही

3 नावे चर्चेत,

कोअर कमिटीकडे अंतिम मान्यतेसाठी पाठवली..

आज 11 वाजता कोर कमिटीची बैठक...यावेळी भाजप पुरुष महापौर देणार असल्याची सूत्रांची माहिती.

2 फेब्रुवारी रोजी नामनिर्देशन अर्ज सादर करण्याचा शेवटचा दिवस, 6 फेब्रुवारी रोजी अमरावतीला महापौर मिळणार

मॅजिक फिगर जुडविण्यासाठी राजकीय हालचाली वाढल्या..

रत्नागिरी जिल्हा परिषद आणि पंचायत समितीच्या निवडणुकीत महायुतीचाच दणदणीत विजय होईल आणि जिल्हा परिषदेवर भगवा फडकेल, असा ठाम विश्वास राज्याचे उद्योगमंत्री उदय सामंत यांनी व्यक्त केला. वाटद जिल्हा परिषद गटातील महायुतीच्या उमेदवारांच्या प्रचारार्थ आयोजित जाहीर सभेत ते बोलत होते. तसेच विरोधकांच्या अफवांना बळी पडू नका, विकासासाठी महायुतीलाच विजयी करा असं आवाहनही त्यांनी यावेळी केलं..शेतकऱ्यांच्या संमतीशिवाय आणि विश्वासात न घेता कोणताही प्रकल्प लादला जाणार नाही. स्थानिक शेतकऱ्यांच्या शंका दूर करून, त्यांना योग्य मोबदला मिळाल्याशिवाय येथे एमआयडीसी होणार नाही. असं देखील उदय सामंत यांनी प्रस्तावित वाटद एमआयडीसीबाबत स्पष्ट केलं. विरोधक केवळ संभ्रम निर्माण करण्याचे काम करत असल्याचा आरोपही त्यांनी केला.

बुलढाणा जिल्ह्याच्या मुख्य प्रवेशद्वारालाच खड्ड्यांचा विळखा पडला आहे. त्रिशरण चौक ते सुंदरखेड आणि पुढे खामगावकडे जाणारा राष्ट्रीय महामार्ग सध्या अपघातांना खुले निमंत्रण देत आहे. अवजड वाहने आणि एसटी बसची मोठी वर्दळ असतानाही रस्त्याची दुरुस्ती केवळ दिखाव्यापुरती मर्यादित असून, प्रशासनाच्या अनास्थेमुळे दररोज अपघात घडत आहेत. कासवगती काम, धुळीचे प्रदूषण आणि ठेकेदारांवर कोणताही वचक नसल्याने नागरिक संतप्त झाले असून, हा महामार्ग खरंच प्रशासनाच्या नकाशातून वगळला आहे का, असा सवाल उपस्थित केला जात आहे.....

सिंधुदुर्ग जिल्ह्यात जिल्हा परिषद आणि पंचायत समिती निवडणुकीची रणधुमाळी जोरात सुरू असून सत्ताधारी आणि विरोधकांमध्ये आरोप-प्रत्यारोप सुरू आहेत. दरम्यान, जिल्ह्यात अनेक पक्षप्रवेश होत असून त्यातून राजकीय बॅनरबाजी जोरदार सुरू आहे. मुंबई-गोवा महामार्गालगत असलेल्या कणकवली तालुक्यातील वागदे येथे रात्री बॅनरबाजी करण्यात आली आहे. “२५ लाखासाठी हे उमेदवार विकले गेले” , “आम्ही मात्र स्वाभिमानाने मतदान करणार!” अशा आशयाचे बॅनर उमेदवारांच्या फोटो सहित लावण्यात आले आहेत. सध्या हे बॅनर चर्चेचा विषय बनला आहे.

हिंगोलीच्या कळमनुरी शहरात डॉक्टर बाबासाहेब आंबेडकर मागासवर्गीय वस्तीगृहातील विद्यार्थ्यांच्या भोजनात अळ्या आणि किडे आढळल्याचा गंभीर प्रकार पुढे आला आहे सामाजिक न्याय विभागाच्या वतीने हे वसतिगृह कळमनुरी शहरांमध्ये सुरू आहे आणि इथे अनेक विद्यार्थी निवासी राहतात विद्यार्थ्यांच्या भोजनासाठी सामाजिक न्याय विभागाच्या वतीने व्यवस्था करण्यात येते मात्र याच भोजनामध्ये आज सकाळी जेवण्याच्या ताटामध्ये विद्यार्थ्यांना अळ्या आणि किडे आढळल्याने सामाजिक न्याय विभागाचा भोंगळ कारभार पुढे आला आहे.

परभणी जिल्हा परिषद निवडणुकीतील प्रचाराला आता वेग आला असून भाजपच्या उमेदवारांच्या प्रचारार्थ महसूल मंत्री तथा भाजपचे नेते चंद्रशेखर बावनकुळे यांनी परभणीत आज एकाच दिवशी ५ सभा घेतल्या आहेत.हेलिकॉप्टर द्वारे बावणकुळे यांनी जिल्ह्याचे जिंतूर तर गंगाखेड हे दोन टोक गाठले आहेत.त्यांच्यासमवेत पालकमंत्री मेघना बोर्डीकर याही उपस्थित होत्या.परभणीच्या जिंतूर तालुक्यातील इटोली,झरी,दैठणा महातपुरी तसेच वडगाव अशा ५ ठिकाणी आज बावनकुळे यांनी सभा घेतल्या आहेत या सभांमधून बावनकुळे यांनी भाजपच्या सर्व उमेदवारांना विकासाच्या मुद्यांवर विजयी करा असे आवाहन त्यांनी केले सोबतच पक्षाच्या उमेदवारांच्या विरोधात काम करणाऱ्यांना घरचा रस्ता दाखवणार असल्याचा इशारा पक्षातील काही नेत्यांना दिला आहे पक्षात राहून पक्षाशी विश्वासघात म्हणजे आईशी विश्वासघात आहे त्यामुळे पक्षाच्या उमेदवारांच्या ज्यांनी विरोधात काम केलं त्यांना निवडणुकीनंतर घरी पाठवणार असल्याचे बावनकुळे यांनी स्पष्ट केल आहे.

आज सकाळी ११ ते दुपारी ३ वाजेपर्यंत नामांकन अर्ज स्वीकारले जातील.

- नामांकन प्रक्रिया सिव्हिल लाईन्स येथील महापालिका मुख्यालयातील डॉ. पंजाबराव देशमुख सभागृहात होईल.

- भाजपकडे स्पष्ट बहुमत असले तरी काँग्रेसनेही अर्ज दाखल करण्याचा निर्णय घेतला आहे.

- त्यामुळे महापौर, उपमहापौरपदासाठी मतदान अटळ झाले आहे.

- भाजपच्या महापौर उमेदवाराचे नाव अद्याप गुलदस्त्यात आहे.

- नीता ठाकरे यांचे नाव चर्चेत असून धक्कातंत्राची शक्यताही वर्तवली जात आहे.

पुणे महानगरपालिकेच्या चिखली जलशुद्धीकरण केंद्राला पाणीपुरवठा करणाऱ्या मुख्य पाईपलाईनमध्ये मोठ्या प्रमाणात गळती झाल्यामुळे पुढील आठ ते दहा दिवस शहराच्या अनेक भागांमध्ये पाणीपुरवठा विस्कळीत होण्याची शक्यता

पवना धरणातून चिखली जलशुद्धीकरण केंद्रात पाणी वाहून नेणारी ७०० मिमी व्यासाची मुख्य पाईपलाईन रावेत परिसराजवळील एका नाल्यात फुटल्याची माहिती

मुलुंड (पश्चिम) येथील श्रीमती एम. टी. अग्रवाल महानगरपालिका रुग्णालयात मूलभूत सुविधा नसल्याच्या निषेधार्थ आज मुंबई काँग्रेसचे प्रवक्ता व सरचिटणीस राकेश शेट्टी यांच्या नेतृत्वाखाली रुग्णालयासमोर आंदोलन करण्यात आले.

या रुग्णालयाचे उद्घाटन मुख्यमंत्री देवेंद्र फडणवीस यांच्या हस्ते करण्यात आले होते या उद्घाटनाला सुमारे ५० दिवस उलटूनही ICU, कुशल कर्मचारी व डॉक्टरांची नियुक्ती न झाल्याचा आरोप यावेळी काँग्रेसने केला आहे व या ठिकाणी भरती करिता लाखो रुपयांची मागणी देखील केली जात असल्याचा आरोप काँग्रेस प्रवक्ता राकेश शेट्टी यांनी केला आहे.

मंत्री भरत गोगावले यांचे पुत्र आणि युवा सेनेचे सचिव विकास गोगावले यंदा पहिल्यांदाच निवडणुकीच्या रणांगणात उतरले आहेत. महाड विधानसभा मतदार संघातल्या नडगाव तर्फे बिरवाडी या जिल्हा परिषद गटातून विकास गोगावले पहिल्यांदाच निवडणूक लढवत आहेत. विकास गोगावले यांची टक्कर राष्ट्रवादीच्या निलेश महाडिक यांच्याशी होणार आहे. महाड मधून बहुतांश उमेदवार हे महायुतीतील घटक पक्षांमधील असल्यामुळे येथे उमेदवारांमध्ये युतीमध्येच काटेकी टक्कर होताना पाहायला मिळेल. मंत्री भरत गोगावले यांची या मतदारसंघावर मोठी ताकद असल्यामुळे विकास गोगावले यांना ही निवडणूक जिंकण्यास फायदेकारक ठरण्याची शक्यता आहे तर दुसरीकडे विकास गोगावले मैदानात उतरताच शिवसेनेत जाहीर पक्ष प्रवेश वाढला आहे.

- भाजपचे महापालिकेत दमदार यश मिळाल्यानंतर निवडणुकीत पदासाठी अंतर्गत नाराजी पुढे येत असल्याच बोलल जात आहेय..

- उपमाहापौर म्हणून अॅड. संजय बालपांडे यांचे नाव भाजप संसदीय समितीने ठरवेल असल्याची चर्चा, त्यानंतर बालपांडे यांनी केली नाराजी व्यक्त....

- मात्र बालपांडे यांचा उपमहापौर पदास नकार कळवला, वरिष्ठ नेत्यांची भेट घेऊन पद स्वीकारण्यास अनुत्सुकता दर्शवल्याची माहिती.

राज्याच्या उपमुख्यमंत्री सुनेत्रा पवार बारामती मधून सातारासाठी मार्गस्थ झाल्या आहेत. आज सकाळी दहा वाजता त्या यशवंतराव चव्हाण यांच्या स्मृतिस्थळाचे दर्शन घेणार आहेत. काही मिनिटांपूर्वीच सुनेत्रा पवार या बारामती मधील त्यांच्या सहयोग निवासस्थानामधून बाहेर पडल्या आहेत.

माजी उपमुख्यमंत्री अजित पवार यांच्या विमान अपघातावर राष्ट्रवादीचे आमदार अमोल मिटकरींनी मोठी शंका उपस्थित केलीय.. विमान अपघातावेळी 'तिथं धुकं नव्हतं तर धोका होता ', त्यामुळं अजित दादांचा 100 टक्के घात झाल्याचे ते म्हणालेये.... जोपर्यंत जिवंत आहो, तोपर्यंत लढा देणार, आणि सर्व सत्य जनतेसमोर आणण्यासाठी प्रयत्न करणार, असेही मिटकरी म्हणालेये..

कारण, आज माझं कधीही न भरून निघणारं नुकसान झालंय.. लवकरच अजितदादानंतर त्यांच्या कुटुंबीयांच्या निष्ठेपायी त्यांना समर्पित करण्याचा घेणार निर्णय आहो.. यासंदर्भात 'मे' महिन्यात भूमिका जाहीर करणार असल्याचे मिटकरी म्हणालेये..

कराडमध्ये यशवंतराव चव्हाण यांच्या समाधीचे घेणार दर्शन

उपमुख्यमंत्री झाल्यानंतर पहिल्यांदाच सुमित्रा पवार कराडमध्ये येणार

त्यानंतर दुपारी उपमुख्यमंत्री अजित पवार यांच्यासोबत अपघाती निधन झालेल्या तरडगाव येथील विदीप जाधव यांच्या कुटुंबीयांची ही घेणार भेट

सकाळी 10 वाजता सुनेत्रा पवार कराडमध्ये दाखल होतील

महाराष्ट्र राज्य माध्यमिक व उच्च माध्यमिक शिक्षण मंडळाच्या वतीने फेब्रुवारी-मार्च २०२६ दहावी-बारावीच्या परीक्षा घेण्यात येणार आहेत....

यंदा सरसकट सर्वच परीक्षा केंद्रावरील कर्मचाऱ्यांची अदलाबदल करण्यात येणार नाही.त्यामुळे आता सीसीटीव्ही कॅमेरे नसलेल्या परीक्षा केंद्रावरीलच कर्मचाऱ्यांची अदलाबदल केली जाणार आहे. या बाबतचा निर्णय शालेय शिक्षण विभागाकडून घेण्यात आला आहे.

जिल्हा परिषद पंचायत समितीच्या निवडणुकांमुळे पुणे बार असोसिएशनच्या ( पीबीए) वार्षिक निवडणुकीची तारीख बदलण्यात आली आहे आता सहा फेब्रुवारी ऐवजी 4 फेब्रुवारीला मतदान होणार आहे.त्या दिवशी रात्री मतमोजणी होऊन निकाल जाहीर करण्यात येणार असल्याची माहिती मुख्य निवडणूक निर्णय अधिकारी यांनी दिली.

पीबीएच्या निवडणुकीमध्ये मतदार वकिलांच्या हाताला शाई लावली जाते त्यानंतर लगेच जिल्हा परिषद पंचायत समिती साठी मतदान आहे.

या निवडणुकीतही वकिलांना मतदानाचा हक्क बजावताना कोणतीही अडचण येऊ नये यासाठी दुसऱ्या बोटाला शाही लावण्यात येणार असल्याचे अधिकाऱ्याने स्पष्ट केले.