ही राज ठाकऱ्या म्हणजे असाय मानाला भुकलेलं पोरगंय... यानंतर आमच्याकडं कुचक्या कानाचं म्हणतेत..कुचक्या कानाचं, मनोज जरांगेंनी राज ठाकरेंना कुचक्या कानाचं म्हटलंय... आणि त्याला कारण ठरलंय राज ठाकरेंनी एकनाथ शिंदेंचं नाव घेत केलेलं वक्तव्य.

खरंतर ओबीसीतूनच मराठा समाजाला आरक्षण मिळावं, म्हणून मनोज जरांगे आझाद मैदानावर तीन दिवसांपासून उपोषण करत आहेत... तर आंदोलकांच्या प्रचंड गर्दीमुळे मुंबईची वाहतूक व्यवस्थाच कोलमडून गेलीय... त्यामुळे मुंबईकरांचे हाल होत असल्याचा प्रश्न राज ठाकरेंना विचारला... मात्र या प्रश्नाचं उत्तर एकनाथ शिंदेच देऊ शकतील म्हणत जरांगेंच्या आंदोलनामागे एकनाथ शिंदे असल्याच्या चर्चांना आणखी हवा दिली आणि जरांगेंना हिच गोष्ट खटकली.. त्यावरुन मनोज जरांगेंनी राज ठाकरेंना कुचक्या कानाचा म्हटलंय....

मात्र राज ठाकरेंनी सप्टेंबर 2023 मध्येच अंतरवाली सराटीत जाऊन ओबीसीतून मराठा आरक्षण मिळणं अशक्य असल्याची भूमिका घेतली होती.. एवढंच नाही तर आरक्षणासाठी आर्थिक निकष हाच मार्ग असल्याची भूमिका राज ठाकरेंनी घेतली होती.. त्यावरुन जरांगेंनी राज ठाकरेंवर जोरदार टीका केली होती.. आता राज ठाकरेंनी थेट जरांगेंच्या आंदोलनामागे शिंदेंची रसद असल्याचे संकेत दिल्याने जरांगे भडकले आहेत.... त्यामुळं आता जरांगेंच्या खोचक टीकेला राज ठाकरे काय उत्तर देणार? यावर जरांगे विरुद्ध ठाकरे वादाचा नवा अंक पाहायला मिळण्याची शक्यता आहे...