Maratha Reservation  Saam TV
महाराष्ट्र

Maratha Reservation: मनोज जरांगेंसह मराठ्यांचं वादळ आज मुंबईकडे कूच करणार; अंतरवाली सराटीत तुफान गर्दी

Maratha Reservation Mumbai March: मनोज जरांगे पाटील यांच्या नेतृत्वाखाली आज लाखो मराठा आंदोलक मुंबईच्या दिशेने कूच करणार आहेत. यासाठी मोठी तयारी करण्यात आली असून शेकडो ट्रक, ट्रॅक्टर्स तयार ठेवण्यात आले आहेत.

Satish Daud

Maratha Reservation Latest News

मनोज जरांगे पाटील यांच्या नेतृत्वाखाली आज लाखो मराठा आंदोलक मुंबईच्या दिशेने कूच करणार आहेत. यासाठी मोठी तयारी करण्यात आली असून शेकडो ट्रक, ट्रॅक्टर्स तयार ठेवण्यात आले आहेत. त्याचबरोबर जालन्यातील अंतरवाली सराटी गावात भल्यापहाटे मराठा बांधवांनी गर्दी केली आहे. आरक्षण घेतल्याशिवाय माघार नाही, अशी प्रतिक्रिया मराठा आंदोलकांनी साम टीव्हीला दिली आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

मराठा समाजाला (Maratha Reservation) सरसकट कुणबी प्रमाणपत्र देण्यात यावं, या मागणीसाठी गेल्या अनेक महिन्यांपासून मनोज जरांगे पाटील यांचं आंदोलन सुरू आहे. २३ डिसेंबरपर्यंत मराठा समाजाला आरक्षण द्या, असा अल्टिमेटम त्यांनी राज्य सरकारला दिला होता.

मात्र, फेब्रुवारीत विशेष अधिवेशन बोलावून आरक्षणावर तोडगा काढला जाईल, असं आश्वासन मुख्यमंत्री एकनाथ शिंदे यांनी दिलं होतं. दरम्यान, २० जानेवारीच्या आधी आरक्षणाचा निर्णय घ्या, अन्यथा मुंबईत येऊन आझाद मैदानावर आमरण उपोषण करणार, असा इशारा जरांगे यांनी सरकारला दिला होता.

त्यानुसार, आज जरांगे (Manoj Jarange Patil) लाखो मराठा आंदोलकांसह मुंबईच्या दिशेने कूच करणार आहेत. जरांगे यांच्या आंदोलनाला पाठिंबा देण्यासाठी राज्यभरातून मराठा बांधव अंतरवाली सराटी गावात जमा झाले आहेत. मुंबईसाठी निघणाऱ्या पायी दिंडीसाठी मराठा बांधव सज्ज झाले आहेत.

जीव गेला तरी चालेल, पण आरक्षण घेतल्याशिवाय आम्ही माघार घेणार नाही, असा आक्रमक पवित्रा मराठा आंदोलकांनी घेतला आहे. दरम्यान, अंतरवाली आज सराटी येथून निघालेली मराठा बांधवांची पायी दिंडी येत्या २६ जानेवारी रोजी मुंबईत धडकणार आहे.

दुसरीकडे मनोज जरांगे यांनी मुंबईतील मराठा मोर्चा टाळावा, असं आवाहन मुख्यमंत्री एकनाथ शिंदे यांनी केलं आहे. मराठा आरक्षणासाठी फेब्रुवारीमध्ये अधिवेशन घेऊन आम्ही कायदा करणार आहोत. ओबीसी आणि इतर समाजाला धक्का न लावता आम्ही आरक्षण देणार आहोत, हा शब्द आम्ही दिलेला आहे, असं मुख्यमंत्र्यांनी म्हटलं आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Ind vs Eng : भारत विरुद्ध इंग्लंडचा चौथा कसोटी सामना ड्रॉ; जडेजा अन् वॉशिंग्टनच्या दमदार खेळीने गड राखला

Pune Rave Party : रेव्ह पार्टीत खडसेंचे जावई! खडसेंचा आवाज दाबण्यासाठी बनाव? रेव्ह पार्टीत नेमकं काय घडलं?

Kalyan News : मोठी बातमी! कल्याणमध्ये भर पावसात ५ ते ६ घरे कोसळली, परिसरात खळबळ

Maharashtra Politics : महाराष्ट्राच्या मनातलं घडतंय? वाढदिवसानिमित्त ठाकरे बंधूंची भेट 'मातोश्री'च्या भेटीमागची इनसाईड स्टोरी

Prakash Ambedkar : जातनिहाय जनगणना रोखणं चूक नव्हे, तर...; प्रकाश आंबेडकरांचा राहुल गांधींवर नेम

SCROLL FOR NEXT