- संजय राठाेड

Maratha Reservation News : जालना जिल्ह्यातील अंतरवाली सराटी (antarwali sarathi latest updates) येथे मराठा समाजाच्या आरक्षणासाठी (Maratha Aarakshan) उपोषणास बसलेल्या आंदाेलकांवर केलेल्या लाठीहल्लाचा निषेध नाेंदविण्यासाठी सकल मराठा समाजाने आज (मंगळवार) यवतमाळ शहर बंदची (yavatmal band) हाक दिली आहे. त्यास उत्तम प्रतिसाद मिळाला आहे. दरम्यान सकल मराठा समाजातर्फ आजही राज्यातील विविध जिल्ह्यात आंदाेलन छेडण्यात आले आहे. (Maharashtra News)

यवतमाळ शहर कडकडीत बंद केल्यानंतर आंदोलकांनी आपला मोर्चा नागपूर- तुळजापूर राष्ट्रीय महामार्गावर वळवला. राष्ट्रीय महामार्ग तब्बल एक तास झाले रोखून धरला. महामार्गावर टायर जाळण्याच्या कारणावरून आंदोलनकर्ते आणि पोलीस यांच्यात शाब्दिक चकमक उडाली.

दरम्यान घटनचे गांभीर्य ओळखून जिल्हा पोलीस अधीक्षक डॉक्टर पवन बनसोड हे रस्त्यावर उतरले आहेत. यावेळी आंदाेलकांनी लाठीचार्ज संदर्भात आदेश देणाऱ्यासह सरकरचा तीव्र निषेध नाेेंदविला.

यवतमाळला अज्ञातांनी दुकान फोडली

यवतमाळ शहरातील संपुर्ण बाजारपेठेतून सकल कुणबी मराठासह इतरही समाज बांधव रस्त्यावर आला हाेता. एक युवक दुकानावर दगडफेक करताना आंदोलकर्त्यांना आढळून आल्यानंतर त्यांनी त्या तरूणाला पोलीसांच्या ताब्यात दिले.

मराठा कुणबी क्रांती मोर्चाकडून यवतमाळ शहरातील धामणगाव चौफुली येथे टायर जाळून रास्ता रोको करण्यात आला.

Edited By : Siddharth Latkar