महाराष्ट्रात आरक्षणाच्या नावाखाली राजकीय पोळी भाजण्यात येत आहे,अशी टीका विधान परिषदेचे आमदार सदाभाऊ खोत यांनी केलीय. त्याचबरोबर मनोज जरांगे यांनी ओबीसीमधून आरक्षणासाठी देवेंद्र फडणवीस आणि भाजपचा पिच्छा सोडावा. त्यांनी आपला मोर्चा थेट बारामतीत शरद पवारांच्या घराकडे वळवावा.

त्यांच्याकडून ओबीसीमधून मराठा समाजला आरक्षणा मिळवण्यासाठी पाठिंब्याचे लेखी पत्र घ्यावं,आम्ही त्यांच्या आंदोलनात सहभागी होऊ, असं आवाहन सदाभाऊ खोतांनी मनोज जरांगेंना केलंय. त्याचबरोबर कोणाचेही आरक्षण, कोणालाही देण्याचा अधिकार कोणत्याही सरकारला नाही, असे स्पष्ट मतदेखील आमदार खोत यांनी व्यक्त केलंय.

विधान परिषदेतल्या शेकापच्या जयंत पाटील यांच्या पराभवावरून सदाभाऊ खोतांनी, शरद पवारांच्यावर निशाणा साधताना,शकुनी मामा प्रमाणे शरद पवारांनी डाव टाकून उद्धव ठाकरे यांना बाजूला करून भाजपची सत्ता घालवली आणि आपले सरकार आणले, मग विधान परिषदेला शेकपच्या जयंत पाटलांना ते निवडून का आणू शकले नाहीत ? असं सवाल करत शेकापा फोडण्याचे पाप शरद पवारांनी केलं होते,आणि ते संपवण्याचे देखील पाप शरद पवारांनीच केलं अशी टीका देखील सदाभाऊ खोत यांनी यावेळी केली.