अजय सोनवणे 

मनमाड (नाशिक) : मनमाडकडून येवला येथे प्रवाशांना घेऊन जाणारी खाजगी वाहतुक करणाऱ्या कारला पहाटेच्या सुमारास अपघात झाला. (Manmad) मनमाडहुन काही प्रवाशांना घेऊन सकाळच्या सुमारास जात असताना येवल्याजवळ निजधाम जवळच्या पुलाजवळील नाल्यात गेल्याने झालेल्या (Accident) अपघातात १२ प्रवाशी जखमी झाले आहेत. चालकाला डुलकी आल्याने हा अपघात झाल्याचे सांगण्यात येत आहे. (Breaking Marathi News)

मनमाड येथील रेल्वेचा उड्डाण पूल पडल्याने मनमाड ते येवला- शिर्डी हा मार्ग वाहतुकीसाठी बंद करण्यात आला आहे. रेल्वेने मनमाडला येवला शिर्डीला जाणारे प्रवाशी उड्डाण पूल संपणाऱ्या ठिकाणी येऊन थांबत असतात. या ठिकाणाहून अनेक खाजगी गाड्यातून वाहतूक होत असते. उड्डाण पूल पडल्याने या ठिकाणाहून खाजगी वाहतूक सुरू झाली. त्यामुळे मनमाडहुन येवला येथे प्रवाशांना घेऊन जाणारी खाजगी वाहतुक करणारी कार मनमाडहुन काही प्रवाशांना घेऊन सकाळच्या सुमारास मार्गस्थ झाली. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

२ प्रवाशी गंभीर जखमी 

गाडी निघाल्यानंतर येवलानजिक निजधाम जवळच्या पुलाजवळील नाल्यात गेल्याने हा अपघात झाला. कार चालकाला डुलकी (Car Accident) लागल्याने भरधाव कार थेट रस्ता सोडून नाल्यात गेल्याचे बोलले जात आहे. या अपघातात १२ जण जखमी झाले असून यातील काही प्रवाशी हे सुरत येथील असल्याचे समजते. जखमी १२ पैकी २ जण गंभीर जखमी झाले असून त्यांना बाहेरगावी उपचारासाठी हलविण्यात आले आहे.