संजय जाधव

बुलढाणा : 12 वर्षीय गतिमंद बालिकेवर लैंगिक आणि अनैसर्गिक अत्याचार Sexual Assault करणाऱ्या 32 वर्षीय सुरेश सुरवाडे या नराधमास खामगावच्या विशेष न्यायालयाने 20 वर्षे सश्रम कारावासाची शिक्षा सुनावली आहे. तसेच सोबत 50 हजारांचा दंड व दंड न भरल्यास आणखी दोन वर्षे कारावास भोगावा लागणार आहे. विशेष न्यायाधीश प्रज्ञा काळे यांनी ही शिक्षा सुनावली आहे.

हे देखील पहा-

या प्रकरणात 8 साक्षीदार तपासण्यात आले होते. खामगाव ग्रामीण पोलिसांनी Khamgaon Police या प्रकरणाचा अत्यंत कर्तव्यदक्षपणे तपास करून दोषारोपपत्र न्यायालयात सादर केले होते. ही घटना खामगाव तालुक्यातील बोरी अडगाव येथे 22 जानेवारी 2020 रोजी घडली होती. पीडितेच्या नातेवाइकांनी 23 जानेवारी 2020 रोजी तक्रार दिली होती.

पीडितेची साक्ष शिक्षिका सरिता पाटील यांच्या मदतीने नोंदविण्यात आली होती. डॉ. मनिषा पांडे, पोलीस उपनिरिक्षक रोशनी अहिरे आणि पीडितेच्या आजीसह काकूची साक्ष महत्त्वाची ठरली. केवळ शारीरिक, मानसिकच नव्हे तर तिच्या असाह्यतेचा फायदा आरोपीने घेत शोषण केल्याचे अतिरिक्त शासकीय अधिवक्ता रजनी बावस्कर (भालेराव) यांनी न्यायालयाला सांगितले. गुन्हा सिद्ध झाल्याने विशेष न्यायाधीश प्रज्ञा काळे यांनी सुरवाडे याला शिक्षा सुनावली आहे.

Edited By-Sanika Gade