दिवाळीच्या बॅनरवरून वाद टोकाला गेल्यानंतर झालेल्या हाणामारीच्या घटनेत एका १७ वर्षीय तरुणाचा मृत्यू झाला. छत्रपती संभाजीनगर जिल्ह्यातील बिडकीन गावात संपूर्ण प्रकर घडला. या प्रकरणी पोलिसांनी छत्रपती संभाजीनगरच्या बजरंग दलाच्या अध्यक्षाला अटक केली आहे. चिमन जाधव असे हत्या करणाऱ्या तरुणाचं नाव आहे.

मीडिया रिपोर्टनुसार, बिडकीन बाजारात दिवाळीच्या बॅनरवरून दोन गटात वाद झाला. तन्मय चोरमारे आणि चिमन जाधवच्या गटात झालेल्या वादाचे रुपांतर हाणामारीत झालं. बिडकीनचे सरपंच अशोक धर्मे यांचा भाचा चिमन जाधव आणि त्याच्या गटाने केलेल्या मारहाणीत तन्मय चोरमारे नावाच्या तरुणाचा मृत्यू झाला.

पोलिसांनी दिलेल्या माहितीनुसार, तन्मय चोरमारेला लोखंडी पाईप, गज, लाकडी दांडे, लाथा-बुक्यांनी मारहाण केली. या जबर मारहाणीत गंभीर जखमी झाल्यानंतर त्याला तातडीने रुग्णालयात दाखल केलं. तन्मय चोरमारेचला गावातील एका रुग्णालयात दाखल केलं. मात्र, त्याला पुढील उपचारासाठी छत्रपती संभाजीनगर शहरातील रुग्णालयात दाखल करण्यासाठी सांगितलं. छत्रपती संभाजीनगरमधील रुग्णालयात दाखल केल्यानंतर त्याचा उपचारादरम्यान मृत्यू झाला. तन्मयचा शुक्रवारी दुपारी त्याचा उपचारादरम्यान मृत्यू झाला.

पोलिसांनी या प्रकरणी ऋषीकेश उर्फ चिमन जाधव असे हत्या करणाऱ्या बजरंग दलाच्या अध्यक्षाच्या मुसक्या आवळल्या. त्याच्या विरोधात बिडकीन पोलिसांत हत्येचा गुन्हा दाखल केला. तसेच पोलिसांत चिमन जाधवसह 30 ते 35 अनोळखी व्यक्तीवर गुन्हा नोंदवण्यात आलाय. तसेच या प्रकरणात आतापर्यंत एकूण पाच जणांना अटक केली आहे. राहुल तांगे, नयन तांगे, सागर तांगे, चिमन जाधव आणि प्रदीप तांगे असे आरोपींची नावे आहेत.