स्थानिक स्वराज्य संस्थेच्या निवडणुकांच्या पार्श्वभुमीवर राजकीय वातावरणही चांगलचं तापलयं. एकीकडे महायुती म्हणून एकत्र निवडणूक लढण्याची घोषणा केली जात असली तरी महायुतीतील अंतर्गत धुसफूस मात्र थांबताना दिसत नाही. ठाणे, नवी मुंबईसह 19 ठिकाणच्या पालिका निवडणुकीत जागावाटपावरून महायुतीत मतभेद होतायत.त्यामुळे जागावाटपावर तोडगा निघाला नाही तर राज्यातील सत्तेचे वाटेकरी असलेले हे मित्रपक्षच एकमेकांना भिडणार आहेत..महायुतीत कोणत्या जागांवरून वाद आहे. पाहूयात.

महायुतीत या ठिकाणी मतभेद

महायुतीत ठाणे,नवी मुंबई, कल्याण-डोंबिवली, मिरा-भाईंदर, उल्हासनगर, अंबरनाथ, बदलापूर, सांगली या जागांवर मतभेद आहेत. त्याशिवाय सातारा,मावळ,लोणावळा, रायगड,नाशिक, जळगाव,धुळे,हिंगोली,

नांदेड, अहिल्यानगर आणि नंदुरबार या जागांवरही महायुतीत जागावाटपावरून धुसफुस समोर आलीय. दुसरीकडे एकनाथ शिंदेंनी मात्र अंतर्गत वादाच्या चर्चांना फेटाळून लावत महायुती म्हणूनच स्थानिक स्वराज्य संस्थांच्या निवडणुकांना समोरे जाणार असल्याचं सांगितलयं.

एकीकडे निवडणुकीच्या पार्श्वभूमीवर महायुतीच्या जिल्हानिहाय बैठका होणार असून त्याच्या आधारावरच महायुती आपली पुढची रणनिती ठरवणार असल्यांच सांगितल जातंय..तर दुसरीकडे विरोधकांना फायदा होऊ नये यासाठी महायुती मुंबईत एकत्र लढणार तर राज्यातील काही ठिकाणी निवडणुकीला स्वतंत्रपणे सामोरं जाऊन नंतर एकत्र येणार असल्याची माहिती सूत्रांनी दिलीय.

एकीकडे निवडणुकीच्या पार्श्वभूमीवर महायुतीच्या जिल्हानिहाय बैठका होणार असून त्याच्या आधारावरच महायुती आपली पुढची रणनिती ठरवणार असल्यांच सांगितल जातंय. तर दुसरीकडे विरोधकांना फायदा होऊ नये यासाठी महायुती मुंबईत एकत्र लढणार तर राज्यातील काही ठिकाणी निवडणुकीला स्वतंत्रपणे सामोरं जाऊन नंतर एकत्र येणार असल्याची माहिती सूत्रांनी दिलीय.