रायगड जिल्हा शिवसेना ठाकरे गटात फेरबदल करण्यात आले आहेत. संजय मानाजी कदम यांची दक्षिण रायगड जिल्हा संपर्क प्रमुखपदी फेरनिवड करण्यात आली आहे. महाड आणि श्रीवर्धन या दोन मतदार संघांची जबाबदारी त्यांच्यावर राहील.
पाषाण तलावात मोठ्या प्रमाणात मृत मासे तरंगत असल्याने पाषाण तलावाची गंभीर समस्या निर्माण झालीय. स्थानिकांनी महापालिकेवर निष्काळजीपणाचा असल्याचाच तक्रारी नागरिक करत आहेत तलाव आधीच जलपर्ण पूर्णपणे झाकलेला होता आणि आता त्याची अवस्था बिकट झालीय.
सिंधुदुर्ग जिल्ह्यात व्यावसायिक गॅस सिलिंडरचा तुटवडा कायम असून यामुळे हॉटेल चालकांना चूल पेटवून खाद्यपदार्थ बनवावे लागत आहेत. काही ठिकाणी व्यावसायिक गॅस सिलिंडरचे बुकिंग होत नाही.
आपली बसच्या तीन ऑपरेटर विरोधात पोलिसात गुन्हे दाखल करणार, महानगर पालिकेच्या परिवहन समितीच्या बैठकीत निर्णय
नागपूर महानगरपालिकेला 237 बसेस मिळाल्या होत्या,या बसेसच्या संचालनासाठी 3 ऑपरेटर्स ची नेमणूक करण्यात आली
यापैकी 123 बसेसना पंधरा वर्षे पूर्ण झाल्यामुळे रस्त्यावरून बाद करण्यात आल्या
या जुन्या झालेल्या बसेसचे चेसिस आणि सुटे भाग गहाळ झाल्याचे सर्वेक्षणात आढळून आले
संबंधित ऑपरेटर्सना नोटीस देऊनही त्यांच्याकडून उत्तर न दिल्याने गुन्हे दाखल करण्यात येणार आहेत
तसेच तिन्ही ऑपरेटर्स कडून 32 लाख 39 हजार रुपयांची वसुलीचाही निर्णय परिवहन समितीने घेतला आहे
माजी केंद्रीय मंत्री व भाजप खासदार नारायण राणे यांचा वाढदिवस उत्साहात साजरा
वाढदिवसानिमित्त प्रसिद्ध वाळू शिल्पकार लक्ष्मी गौड यांची खास कलाकृती
जुहू चौपाटीवर समुद्राच्या वाळूपासून राणे यांचे आकर्षक शिल्प साकार
शिल्प पाहण्यासाठी नागरिक व पर्यटकांची गर्दी
लक्ष्मी गौड यांच्या कलाकृतीचे सर्वत्र कौतुक
वाढदिवसानिमित्त राणे समर्थकांकडून विविध ठिकाणी कार्यक्रमांचे आयोजन
नंदुरबार जिल्ह्याला पालकमंत्री पद नियुक्ती होऊन 25 दिवस उलटले तरी देखील नंदुरबार जिल्ह्याचे नवीन पालकमंत्री हसन मुश्रीफ नंदुरबार जिल्ह्याच्या दौऱ्यावर आलेले नाहीत . पालकमंत्री जिल्ह्यात आलेले नसल्यामुळे जिल्हा विकासाला कधी चालना मिळणार असा प्रश्न आता उपस्थित केला जात आहे. नंदुरबार जिल्ह्याचे तत्कालीन पालकमंत्री माणिकराव कोकाटे यांच्यावर सदनिका प्रकरणात कारवाई झाल्यामुळे त्यांनी मंत्री पदाच्या राजीनामा दिला होता, त्यामुळे नंदुरबार जिल्ह्याचे पालकमंत्री पद दोन महिने रिक्त झाला होता, दोन महिन्यानंतर हसन मुश्रीफ यांची पालकमंत्री पदी निवड करण्यात आलेली आहे. मात्र हसन मुश्रीफ यांची निवड होऊन आज 25 दिवस उलटले तरी देखील हा हसन मुश्रीफ जिल्ह्यात आलेले नाही आहे. आता मुश्रीफ यांना नंदुरबार जिल्ह्यात येण्यासाठी कधी मुहूर्त मिळणार आणि विकासाला कधी चालणार मिळणार हे पाहणं आता महत्त्वाचे ठरणार आहे.
मिरा रोड स्मशानभूमीत कामकरणाऱ्या कामगारांना दोन महिन्यांपासून पगार न मिळाल्याने चक्क 'तिरडीवर' झोपून केले आंदोलन
श्रमजीवी कामगार संघटनेच्या नेतृत्वाखाली 'नवशा रूपा बाबर मुक्ती धाम' येथे हे अनोखे आणि संतापजनक आंदोलन करण्यात आले."
मृतांना सन्मानाने निरोप देणाऱ्या हातांवर आज स्वतःच्या पोटासाठी 'तिरडी' धरण्याची वेळ आली आहे.
दोन महिने उलटूनही पालिकेने पगार न दिल्याने कामगारांचा संयम सुटला.सरकार विरोधात घोषणा बाजी करण्यात आली
जोपर्यंत थकीत वेतन मिळत नाही, तोपर्यंत मागे हटणार नाही, असा इशारा संघटनेने दिला आहे.
'मुक्ती धाम'च्या प्रवेशद्वारावरच तिरडी मांडून कामगारांनी प्रशासकीय दिरंगाईचा निषेध केला.
महिलांचे अश्लील व्हिडिओ काढणाऱ्या रवींद्र एरंडेवर आणखी एक फसवणुकीचा गुन्हा दाखल
नोकरीचे आमिष दाखवून 9 लोकांची केली 13 लाख 80 हजार रुपयांची फसवणूक
चौकशी दरम्यान रवींद्र एरंडेच्या घरातूनच पोलिसांनी जप्त केले बनावट नियुक्तीपत्र
रवींद्र एरंडे याने निम्मी रक्कम रोख स्वरूपात स्वीकारल्याची माहिती
अमरावतीत आयपीएल क्रिकेट सामन्यावर ऑनलाईन सट्टा खेळविणाऱ्या एकावर शहर गुन्हे शाखेने कारवाई केली आहे .... अमरावती शहरात राहणाऱ्या गिरीश दादलानी याला पोलिसांनी अटक केली आहे .. दिल्ली विरुद्ध गुजरात सामन्यावर फोनच्या माध्यमातून ऑनलाईन सट्टा हा तरुण खेळवत होता याची माहिती पोलिसांना लागतात त्याला पोलिसांनी अटक केली आहे... त्याच्याकडून 40 हजाराचा मुद्देमाल देखील पोलिसांनी जप्त केला... अवैध पद्धतीने कुठली टीम विजय होते आणि पराजय होते आणि प्रत्येक बॉलवर ऑनलाईन सट्टा हा तरुण खेळवत होता या अनुषंगाने ही कारवाई करण्यात आली
राज्यातील 27 गॅस वितरकांचे एचपीसीएल ने केले परवाने रद्द
नागरिकांना जाणीवपूर्वक त्रास दिल्याने कारवाई
युद्ध परिस्थितीमुळे गॅस टंचाई काळात नागरिकांना जाणीवपूर्वक त्रास देणाऱ्या वितरकाचे परवाने रद्द
14 मार्च ते सात एप्रिल दरम्यान 4385 ठिकाणी तपासणी करण्यात आली आणि 74 वितरका विरुद्ध कारवाई केली
एचपीसीएल ने प्रशासनाच्या मदतीने 357 ठिकाणी छापी टाकली आणि 40 गुन्हे दाखल केले
3163 एलपीजी सिलेंडर राज्यभरामध्ये या कारवाईत जप्त करण्यात आले आहेत
भोंदू अशोक खरात प्रकरणी महत्त्वाची अपडेट
तब्बल 160 GB डिजिटल पुरावे उघड, खरातच्या कारनाम्यांचा काळा चेहरा समोर
फॉरेन्सिक अहवाल SIT कडे सादर, तपासाला वेग
एकूण 4 डिजिटल उपकरणांची तपासणी पूर्ण, पुराव्यांमुळे खरातभोवतीचा फास अधिक घट्ट
प्रत्येक पुराव्याला A, B, C कोडवर्ड, ‘A’ मध्ये लैंगिक अत्याचाराचे गंभीर संकेत
नोव्हेंबर 2023 ते डिसेंबर 2024 कालावधीतील हालचालींचा तपशील, कॅनडा कॉर्नर कार्यालयातून जप्त
32 GB + 16 फोल्डर डेटा, 2 पेन ड्राईव्ह + 64GB OTG डिव्हाइस आणि लॅपटॉपसह सर्व डेटा SIT कडून स्कॅन
पुण्यात अमली पदार्थ विरोधी जनजागृती मोहीम
शहरातील छत्रपती संभाजी उद्यान येथे अमली पदार्थ विरोधी जनजागृती मोहिमेचा कार्यक्रम उत्साहात पार पडला
या मोहिमेत पुणे पोलिस आणि महाविद्यालयीन तरुणांनी मोठ्या संख्येने सहभाग घेतला होता
तरुण वर्गाने नशेपासून दूर रहावे असे आवाहन पोलिस उपआयुक्त कृषीकेश रावले यांनी केले
अमली पदार्थाचा लढा हा एकट्याची जबाबदारी नसून तो सर्वांनी दिला पाहिजे असे आवाहन पुणे पोलिसांच्या वतीने करण्यात आले
समाजातील तरुणाना व्यसनमुक्त करून त्यांना मुख्य प्रवाहात आणण्याची ग्वाही यावेळी पोलिसांनी दिली
विद्यार्थ्यांनी विविध घोषवाक्यांच्या माध्यमातून अमली पदार्थांविरोधात जनजागृती केली
या कार्यक्रमाचे आयोजन नगरसेविका आणि प्राचार्या प्रा. डॉ. निवेदिता गजानन एकबोटे यांनी केले होते
पुणे जिल्ह्यातील ग्रामीण भागात रॉकेल विक्रीला परवानगी 62 रुपये प्रति लिटरने रॉकेल मिळणार
ग्रामीण भागातील अंत्योदय शिधापत्रिकाधारकांना रॉकेल देण्याच्या सूचना शहरी भाग वगळला
गॅस तुटवडा राज्य सरकारने रॉकेल देण्याचा निर्णय घेतला होता त्यासाठी पुणे जिल्ह्याला दोन लाख चार हजार लिटरचा पुरवठा करण्यात आला आहे
मात्र रॉकेल चे भाव आणि कोण विक्री करायचे याची राज्य सरकारने आदेश दिले नव्हते तीन घाऊक विक्रेत्याच्या आता रॉकेल वाटपासाठी नेमणूक करण्यात आली आहे
पुणेकरांच्या पाण्यात एका थेंबाचीही कपात होणार नाही, पुणे महापालिकेची भूमिका
जलसंपदा विभागाने किती ही पत्र पाठवले तरी पाणी कपात होणार नाही
पुणेकर कोणत्याही प्रकारे पाण्याचा अपव्यय करत नाही नाही
त्यामुळे पाणीकपात लागू केली जाणार नाही अशी भूमिका स्थायी समिती अध्यक्ष श्रीनाथ भिमाले यांनी घेतली आहे
पुण्यात १५ टक्के पाणीकपात लागू करण्यासाठी जलसंपदा विभागाने पुणे महानगरपालिकेला पत्र पाठवले आहे
मात्र आता पुण्याच्या पाणी कपाती वरून महापालिका विरुद्ध जलसंपदा विभाग आमने सामने आले आहेत
स्वराज्याच्या राजधानीचा किल्ला असलेल्या किल्ले रायगडाला काल वणवा लागला. रायगडाच्या पाश्चिम भागात म्हणजे हिरकणी वाडी वाडी परिसरात हा वणवा लागला आणि वणव्याची हि आग हिरकणी वाडी पासून ते महादरवाजा परिसरा पर्यंत पसरली होती. यामुळे किल्ल्यावरील विज पुरवठा आणि पाणी पुरवठा प्रभावीत झाला आहे. वणवा विझविण्यासाठी येथील स्थानिक आणि व्यवसायीकांनी शर्तीचे प्रयत्न केले. सुदैवाने या वणव्यामुळे कोणत्याही ऐतिहासिक वास्तुचे नुकसान झाले नाही. या वर्षी रायगड किल्ल्याला लागलेला हा दूसरा वणवा आहे. या पूर्वी मा मार्च महिन्याच्या पहिल्या आठवड्यात वाघोली खिंड, भवानी टोक परिसरात वणवा लागला होता. किल्ले रायगडाला वणवा लागण्याच्या या वाढत्या घटनांमुळे शिवप्रेमींनी नाराजी व्यक्त होत आहे.
पुण्यात मंत्री राधाकृष्ण विखे पाटील घेणार महत्वाची बैठक
जलसंपदा विभागाच्या नियामक मंडळाची बैठक होणार
सकाळी १० वाजता सिंचन भवन येथे बैठक होणार असून या बैठकीला सर्व अधिकारी उपस्थित राहणार
विखे पाटील पुणे जिल्ह्यातील आणि एकूण राज्यातील पाण्याचा आढावा येणार आहेत
दुसरीकडे पुण्यात पाणी कपात लागू करण्यासंदर्भात ही चर्चा होणार आहे
स्वराज्याची राजधानी असलेल्या किल्ले रायगड येथे पर्यटक आणि शिवप्रेमींना रायगड रोप वे विना अपघात 30 वर्षे सेवा देत आहे. अपघात घडू नये यासाठी दक्षता घेण्यात येत असली तरी एखादी दुर्घटना घडली तर बचावकार्य कसे होइल याचे प्रात्याक्षिक NDRF च्या जवानांनी दाखवले. रायगड रोप वेच्या लोअर स्टेशन जवळ NDRF च्या जवानांनी हे बचावाचे प्रात्याक्षिक सादर केले. रोप वे मध्येच बंद झालातर रोप वेच्या केबिनमध्ये बसलेल्या शिवप्रेमींना कशा प्रकारे सुरक्षित खाली उतरवण्यात येणार याचे हे प्रात्यक्षिक होते.
यवतमाळ जिल्ह्यातील विद्यार्थ्यांना दहावी-बारावी नंतर काय करावं प्रशासकीय सेवेसोबत विविध प्रकारच्या संधी कशा उपलब्ध आहेत परीक्षेसाठी नेमकी तयारी कशी करावी यावर मार्गदर्शन केले जाणार आहे.यवतमाळचे जिल्हाधिकारी विकास मीना यांनी यासाठी पुढाकार घेतला असून 21 एप्रिल पासून दर सोमवारी बचत भवन यवतमाळ येथे युवा संवाद हा विशेष मार्गदर्शन कार्यक्रम सुरू करण्यात येणार आहे.
- बुलढाणा जिल्ह्यातील लोणार सरोवरातील पाण्याची पातळी वाढीव, हायकोर्टच्या नागपूर खंडपीठाकडून दखल, कारणे शोधण्यासाठी विशेष समिती स्थापन
- अमरावती विभागीय आयुक्तांच्या अध्यक्षतेखाली समिती, १५ दिवसांत बैठक घेण्याचे आदेश
- पाण्याची वाढ का होतेय? कारणे शोधून उपाययोजना सुचवण्याचे निर्देश...
- बुलढाणा जिल्हाधिकारी, नगर परिषद, VNIT प्रतिनिधींचा समावेश,।तज्ज्ञ व न्यायालयमित्र समितीत सहभागी...
- जगप्रसिद्ध मेटिओराइट क्रेटर म्हणून लोणार सरोवर ओळख, आंतरराष्ट्रीय स्तरावर संशोधनासाठी महत्त्व
- चार जलस्रोतांमुळे पातळी सातत्याने वाढतेय, गेल्या काही महिन्यांपासून परिस्थिती गंभीर
- मंदिरं पाण्याखाली जाण्याची स्थिती, दीपमाळ अर्धी बुडाल्याने चिंता वाढली....
- जैवविविधतेवर धोका, परिसंस्थेचे अस्तित्व संकटात...
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.