Maharashtra Today 10th April Weather Temprature राज्यात एकीकडे उन्हाचा कडाका वाढत आहे तर दुरीकडे, दक्षिण मध्य महाराष्ट्र आणि मराठवाड्यात विजांसह पावसाला पोषक वातावरण निर्माण होत आहे. मुंबईत हळूहळू उकाडा वाढत असल्याने नागरिक हैराण झाले आहेत. तसेच आज कोकणात उष्ण व दमट हवामानाचा अंदाज असल्याने हवामान विभागाने येलो अलर्ट दिला आहे. उर्वरित राज्यात उन्हाचा चटका आणि उकाडा वाढणार आहे.

राज्यातील अवकाळी पावसाने उघडीप देताच राज्याच्या कमाल तापमानात वाढ होऊ लागली आहे. दिवसभर वेळी उकाडा आणि संध्याकाळ नंतर काहीसा गारठा असे चित्र कायम आहे. काल म्हणजेच गुरूवारी वाशीम आणि अकोला येथे राज्यातील उच्चांकी ३८.४ अंश सेल्सिअस तापमानाची नोंद झाली. तर धुळे येथे राज्यातील नीचांकी १७.० अंश सेल्सिअस तापमान नोंदले गेले.

आज ठाणे, मुंबई, रायगड, रत्नागिरी जिल्ह्यांत उष्ण व दमट हवामानाची शक्यता असल्याने येलो अलर्ट हवामान विभागाने दिला आहे. तसेच सातारा, कोल्हापूर, सांगली, सोलापूर, धाराशिव, लातूर जिल्ह्यांत तुरळक ठिकाणी विजांसह पावसाला पोषक हवामान आहे.

उर्वरित राज्यात उन्हाचा चटका आणि उकाडा वाढण्याची शक्यता आहे.सतत बदलत जाणाऱ्या वातावरणामुळे नागरिक हैराण झाले आहेत. दुपारच्या वेळेस वाढणारा उकाडा तापदायक ठरत असून नागरिकांनी उन्हापासून बचाव करण्यासाठी योग्य ती काळजी घ्यावी असे तज्ज्ञांचे आवाहन आहे.