Manasvi Choudhary
चेहऱ्यावर पिंपल्स हे केवळ हार्मोनल्सच्या बदलामुळे नाही तर तुम्ही करत असलेल्या चुकांमुळेही येतात. या चुका कोणत्या ते या वेबस्टोरीतून पाहूया.
महागडे फेसवॉश, क्रीम्स किंवा सीरम वापरतो, तरीही पिंपल्स येणे थांबत नाही. याचे कारण आपल्या रोजच्या जीवनशैलीत आणि स्किन केअर रुटीनमध्ये होणाऱ्या काही चुका कारणीभूत असतात.
अनेकांना चेहऱ्यावर सतत हात लावण्याची सवय असते मात्र ही सवय चुकीची आहे. आपल्या हातांवर असंख्य बॅक्टेरिया आणि धूळ असते. जेव्हा आपण वारंवार चेहऱ्याला हात लावतो, तेव्हा हे बॅक्टेरिया त्वचेवर पसरतात.
बऱ्याच महिला व मुली मेकअप केल्यानंतर वेळेवर तोंड धुवत नाही. रात्री झोपण्यापूर्वी मेकअप न काढल्याने चेहऱ्यावर पिंपल्स येतात.
आपण रोज ज्या उशीवर झोपतो, त्यावर आपल्या केसांमधील तेल, घाम आणि मृत त्वचा साचलेली असते. त्यामुळे उशीचे कव्हर आठवड्यातून किमान एकदा बदलले नाही, तर त्यावर बॅक्टेरिया वाढतात आणि झोपताना ते चेहऱ्याच्या संपर्कात येतात.
जास्त प्रमाणात साखर, चॉकलेट्स, फास्ट फूड, आणि तळलेले पदार्थ खाल्ल्याने त्वचेवर पिंपल्स येतात.
येथे दिलेली माहिती ही सामान्य ज्ञानावर आधारित आहे. अधिक माहितीसाठी योग्य सल्ला घ्या.