Manasvi Choudhary
दिवसभरच्या कामाच्या धावपळीतून चेहऱ्याकडे लक्ष द्यायला वेळ मिळत नाही. चेहऱ्यावरचा ग्लो कमी होतो चेहरा निस्तेज दिसते.
अशावेळी पार्लरमध्ये जाऊन महागड्या ट्रीटमेंट्स करण्यापेक्षा रात्री झोपताना केलेला एक सोपा घरगुती उपाय तुमच्या त्वचेचे सौंदर्य एका रात्रीत बदलू शकते.
दुधाचा फेसपॅक चेहऱ्यासाठी गुणकारी आहे. दूध हे आरोग्यासाठी जेवढे फायदेशीर आहे, तेवढेच ते त्वचेसाठी फायदेशीर आहे.
दुधामध्ये असणारे लॅक्टिक ॲसिड त्वचेवरील मृत पेशी काढून टाकण्यास आणि रंग उजळण्यास मदत करते. हा फेसपॅक कसा बनवायचा? ते पाहूया.
एका लहान वाटीत २ चमचे कच्चे दूध घ्या. त्यात मध आणि चिमूटभर हळद टाकून चमच्याने व्यवस्थित मिक्स करा.
नंतर कापसाने दुधाचा फेसपॅक चेहऱ्यावर आणि गळ्यावर हलक्या हाताने लावा.
हे मिश्रण चेहऱ्यावर १० ते १५ मिनिटे सुकू द्या. जर तुम्हाला रात्रभर ठेवायचे नसेल, तर १५ मिनिटांनी चेहरा कोमट पाण्याने धुवा.
येथे दिलेली माहिती ही सामान्य ज्ञानावर आधारित आहे. अधिक माहितीसाठी योग्य सल्ला घ्या.